فيديو: تحديد البيانات الكمية

أيٌّ من التالي ليس مثالًا لبيانات كمية؟ [أ] السن [ب] رقم الهاتف [ج] تاريخ الميلاد [د] العنوان

٠٢:٠٦

‏نسخة الفيديو النصية

أيٌّ من التالي ليس مثالًا لبيانات كَمية؟ ومعطى عندنا الاختيارات. أ: السن. ب: رقم الهاتف. ج: تاريخ الميلاد. د: العنوان.

وخلّينا في الأول نفتكر إن البيانات الكَمية هي: البيانات التي تُكتب في صورة أعداد. زيّ مثلًا الطول، أو السن، أو الوزن. أو غيرها من البيانات اللي نقدر نعبّر عنها بالأرقام، أو نكتبها في صورة أعداد. فلمّا نيجي نشوف السؤال: أيٌّ من التالي ليس مثالًا لبيانات كَمية؟ يعني عايزين نحدّد أنهي من الاختيارات اللي عندنا دي اللي ما يُعتبرش بيانات كَمية.

فلمّا نيجي نشوف الاختيار أ اللي هو السن. فهنلاحظ إن السن نوع من البيانات اللي بنكتبها في صورة أعداد. زيّ مثلًا إننا نقول إن سن شخصٍ ما عشرين سنة، أو خمسة وعشرين سنة، وهكذا … فبالتالي هيبقى السن يُعتبر مثالًا لبيانات كَمية.

بعد كده هنلاحظ إن عندنا الاختيار ب رقم الهاتف. وبنفس الطريقة هيبقى رقم الهاتف بنكتبه في صورة أرقام، فبالتالي هيبقى رقم الهاتف مثالًا لبيانات كَمية.

بعد كده هنلاحظ الاختيار ج تاريخ الميلاد. وبما إن تاريخ الميلاد يُعتبر من البيانات اللي بتُكتب في صورة أعداد. فمعنى كده إن برضو يُعتبر مثالًا لبيانات كَمية.

وأمّا آخِر اختيار، اللي هو الاختيار د، عندنا العنوان. فهنلاحظ إن العنوان ما يُعتبرش بيانات كَمية؛ لأننا ما نقدرش نكتبه في صورة أعداد. لأن مثلًا لمّا نيجي نقول إن عنوان شخصٍ ما هو … فبنقول أسماء زيّ مثلًا اسم الشارع، أو اسم المنطقة، أو اسم المدينة. والنوع ده من البيانات اللي بنكتبه في صورة صفات بنسمّيه بيانات وصفية.

وبالتالي هيبقى السؤال: «أيٌّ من التالي ليس مثالًا لبيانات كَمية؟» فهتبقى إجابته هي: الاختيار د؛ العنوان. لأن العنوان يُعتبر بيانات وصفية، وليس بيانات كَمية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.