فيديو: إيجاد درجة مقدار كثير الحدود

‏نسخة الفيديو النصية

ما درجة كثيرة الحدود س أس أربعة، زائد ستة س أس تلاتة، ناقص اتنين س أس اتنين، زائد س ناقص اتنين؟

في البداية عشان نقدر نحدد درجة كثيرة الحدود؛ فدرجة كثيرة الحدود بتكون هي أكبر درجة في كل الحدود؛ وبالتالي بالنسبة لكثيرة الحدود هنكتبها مرة كمان، فأول حاجة عندنا الحد س أس أربعة، س أس أربعة هيكون حد من الدرجة الرابعة، وتاني حد عندنا هو ستة س أس تلاتة؛ فستة س أس تلاتة هيكون حد من الدرجة التالتة، وبعدين عندنا سالب اتنين س أس اتنين فهيكون حد من الدرجة التانية، وبعدين عندنا س فهيكون حد من الدرجة الأولى، وبعدين عندنا سالب اتنين فهيكون حد من الدرجة صفر؛ وبالتالي هنلاحظ إن أكبر درجة في كل الحدود هتكون هي الدرجة الرابعة، وبالتالي درجة كثيرة الحدود هتكون هي الدرجة الرابعة.

ويبقى الإجابة هي الدرجة الرابعة.