فيديو: إيجاد احتمال حدث يتضمَّن لعبة دوارة

ما احتمال أن يستقرَّ المؤشِّر على الجزء الأخضر، إذا أُُدير القرص؟

٠١:٠٨

‏نسخة الفيديو النصية

ما احتمال أن يستقرّ المؤشّر على الجزء الأخضر إذا أُدير القُرص؟

لو عايزين نحسب احتمال إن القرص إذا تمّ إدارته إن المؤشّر بتاعه يقف على جزء ملوّن باللون الأخضر؛ الاحتمال بتاعه هيبقى عبارة عن: عدد الأجزاء الملوّنة بالأخضر، على كل عدد الأجزاء اللي بتتكوّن منها الدايرة.

دلوقتي عدد الأجزاء الخضراء هو اتنين؛ يعني البسط بتاع الاحتمال ده هيبقى اتنين، وعدد الأجزاء الكليّة اللي بيتكوّن منها الشكل لو عدّيناهم هيطلعوا تمن أجزاء؛ يعني نقدر نقول إن الاحتمال ده بيساوي اتنين على تمنية.

بس ما ينفعش نسيبه مكتوب بالشكل ده ونقف، لازم نختصر ما دام فيه عامل مشترك بين البسط والمقام، لازم نقسم على العامل المشترك الأكبر اللي بينهم، اللي هو اتنين. بقسمة البسط والمقام على اتنين هيصبح الاحتمال اللي عندنا واحد على أربعة؛ لأن بالفعل الأجزاء الخضراء بتمثّل ربع الدائرة اللي عندنا.

يبقى احتمال إن المؤشّر يقف على جزء ملوّن باللون الأخضر هيبقى ربع الاحتمالات المتاحة كلّها.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.