فيديو: إكمال أنماط الأعداد للأعداد حتى ٩٩

عُدَّ بالعشرات لإيجاد قيمة العددين الناقصين في: ٤٧، ٥٧، ٦٧، _، _، ٩٧.

٠١:٥٣

‏نسخة الفيديو النصية

عُدّ بالعشرات لإيجاد قيمة العددين الناقصين في: سبعة وأربعين، سبعة وخمسين، سبعة وستين، نقط، نقط، سبعة وتسعين.

السؤال ده طالب مننا نعدّ بالعشرات. يعني إيه نعدّ بالعشرات؟ يعني كل مرة نزود عشرة. زي ما كنا بنعدّ كده، وبنقول: عشرة، عشرين، تلاتين، أربعين، خمسين، ستين، سبعين، تمانين، تسعين، مية. ده كان نظام عَدّ بنعدّ بيه، وهو إننا كل مرة بنزود عشرة. فهو عندنا في السؤال بادئ بسبعة وأربعين. بعدين خلاها سبعة وخمسين؛ يعني الأربعين هنا بقت خمسين. وبعديها سبعة وستين؛ يعني الخمسين بقت ستين.

بنلاحظ إن دايمًا الآحاد ثابت. سبعة، سبعة، سبعة، ما بتتغيرش، اللي بيتغير العشرات؛ لأن كل مرة بنزود عشرة. فهنا كان أربعين سبعة وأربعين، بعدين سبعة وخمسين، بعدين سبعة وستين. يبقى اللي عليه الدور إيه؟ سبعة وسبعين. واللي بعد السبعة وسبعين؟ سبعة وتمانين. واللي بعد السبعة وتمانين؟ سبعة وتسعين.

يبقى إحنا كده مشينا أربعين، خمسين، ستين، سبعين، تمانين، تسعين. ده بالنسبة لخانة العشرات. وخانة الآحاد كانت ثابتة زي ما هي فيها سبعة. يبقى كده ده معناه إن العددين اللي ناقصين همّ سبعة وسبعين، وسبعة وتمانين. وتبقى هي دي الإجابة الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.