فيديو السؤال: فك مربع كامل الرياضيات • الصف الأول الإعدادي

نسخة الفيديو النصية

عندنا في المثال عايزين نوجد مفكوك المقدار م ناقص أربعة الكل تربيع.

بالنسبة للمقدار من م ناقص أربعة الكل تربيع، فهو عبارة عن مربع الفرق بين حدين. واللي بيكون مفكوكه عبارة عن مربع الحد الأول، ناقص اتنين في حاصل ضرب الحد الأول في الحد التاني، زائد مربع الحد التاني. فمثلًا لو عندنا مربع الفرق بين حدين على الشكل أ ناقص ب الكل تربيع، هيكون مفكوكه عبارة عن أ تربيع، ناقص اتنين أ ب، زائد ب تربيع. وهي دي الصورة العامة لمفكوك مربع الفرق بين حدين.

بنفس الطريقة هنوجد مفكوك المقدار م ناقص أربعة الكل تربيع. فهيبقى م ناقص أربعة الكل تربيع، يساوي م تربيع ناقص اتنين في م في أربعة، زائد أربعة تربيع. وبالنسبة لسالب اتنين في م في أربعة، فهو يساوي سالب تمنية م. أما أربعة تربيع فهو يساوي ستاشر.

معنى كده إن م ناقص أربعة الكل تربيع، يساوي م تربيع، ناقص تمنية م، زائد ستاشر. بكده يبقى إحنا أوجدنا مفكوك م ناقص أربعة الكل تربيع، وهو م تربيع ناقص تمنية م زائد ستاشر.