فيديو: ترتيب الأعداد الصحيحة ترتيبًا تصاعديًّا وَفْقًا لقِيَمها المُطلَقة

رتِّب ما يلي ترتيبًا تصاعديًّا: −١، −١٢، −١٨، |−٥|، ٤، −١٩.

٠٢:٠٤

‏نسخة الفيديو النصية

رتب ما يلي ترتيبًا تصاعديًّا: سالب واحد، سالب اتناشر، سالب تمنتاشر، القيمة المطلقة لسالب خمسة، أربعة، سالب تسعتاشر.

في البداية الترتيب التصاعدي للأعداد هو ترتيب الأعداد من الأصغر إلى الأكبر. بالاستعانة بخط الأعداد، هنلاحظ إنه الترتيب التصاعدي هيكون من اتجاه اليسار إلى اتجاه اليمين؛ يعني الأعداد السالبة وبعدين الصفر وبعدين الأعداد الموجبة. الأعداد المطلوب ترتيبها في السؤال هي: سالب واحد، سالب اتناشر، سالب تمنتاشر، القيمة المطلقة لسالب خمسة؛ يعني خمسة أو موجب خمسة. وبعد كده أربعة، وسالب تسعتاشر. عشان نرتب الأعداد ترتيبًا تصاعديًّا هبتدي بالأعداد السالبة، وبما إنه زي ما هو موضّح على خط الأعداد إن سالب خمسة أصغر من سالب أربعة، وسالب أربعة أصغر من سالب واحد، يعني أقدر أقول إنه في الأعداد السالبة اللي معطاة، سالب واحد وسالب اتناشر وسالب تمنتاشر وسالب تسعتاشر، أصغر عدد فيها هو سالب تسعتاشر، وده أول عدد في الترتيب، هكتبه وبعدين أشطب عليه. بعد كده سالب تمنتاشر، هكتبه وأشطب عليه. هيتبقى سالب واحد وسالب اتناشر في الأعداد السالبة، هنلاحظ إنه سالب اتناشر أصغر من سالب واحد، فهكتب الأول سالب اتناشر وهشطب عليه، وبعدين هكتب سالب واحد.

وبكده هنكون رتبنا الأعداد السالبة، هيتبقى الأعداد الموجبة، اللي هي القيمة المطلقة لسالب خمسة أو موجب خمسة وأربعة، هنلاحظ إنه أربعة أصغر من خمسة، فهكتب الأول أربعة، وبعدين هكتب القيمة المطلقة لسالب خمسة.

وبكده أقدر أقول إنه الترتيب التصاعدي هو: سالب تسعتاشر، سالب تمنتاشر، سالب اتناشر، سالب واحد، أربعة، والقيمة المطلقة لسالب خمسة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.