فيديو: طرح الأعداد العشرية

احسب الآتي: ٨٧٫٦ − ٨٫٢٩.

٠١:٥٤

‏نسخة الفيديو النصية

احسب الآتي: سبعة وتمانين وستة من عشرة ناقص تمنية وتسعة وعشرين من مية.

دلوقتي مطلوب مننا نوجد ناتج عملية الطرح اللي قدّامنا دي. خلينا نجري عملية الطرح دي رأسيًّا. هنحطّ العددين تحت بعض. ناخد بالنا إن العلامة العشرية في كلٍّ منهم تبقى مظبوطة تحت بعض بالظبط؛ بحيث يبقى كل رقم من الأرقام موجود في نفس الخانة المكانية، ونقدر نجري عملية الطرح بطريقة دقيقة.

هنبدأ عملية الطرح من الرقم اللي موجود في أصغر خانة مكانية، اللي هي هنا خانة الأجزاء من مائة. هنلاقي إن العدد اللي فوق ما فيهوش أيّ رقم في خانة الجزء من مائة، فهنعتبر إن فيه صفر. دلوقتي عايزين نطرح صفر ناقص تسعة، مش هينفع. يبقى محتاجين نستلف واحد من الخانة المكانية اللي قبلها، اللي فيها ستة، فهيبقى فيها خمسة. وبعد ما ناخد الواحد، اللي هو لمّا يروح للخانة المكانية اللي الأجزاء من مائة، هيصبح عشرة. كده نقدر نطرح؛ عشرة ناقص تسعة يساوي واحد.

بعد كده هنتنقل للخانة المكانية اللي قبلها، اللي هي الأجزاء من عشرة. يبقى خمسة ناقص اتنين، يبقى الناتج تلاتة. وبعدين ننزّل العلامة العشرية في نفس المكان بتاعها.

بعد كده عايزين نطرح خانة الآحاد. سبعة ناقص تمنية، مش هينفع؛ السبعة أصغر من تمنية. يبقى محتاجين نستلف واحد من الخانة المكانية اللي قبلها، اللي فيها تمنية، فهيصبح فيها سبعة. الواحد اللي هناخده ده هيخلي السبعة اللي عندنا دي سبعتاشر. يبقى سبعتاشر ناقص تمنية هيساوي تسعة.

بعد كده نروح نطرح خانة العشرات. سبعة ناقص ما فيش؛ يعني صفر، يبقى الناتج هيبقى سبعة.

يبقى كده قدرنا نتوصل لناتج عملية الطرح المطلوبة مننا، وهي: تسعة وسبعين وواحد وتلاتين من مية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.