فيديو: قراءة الوقت الموضَّح على الساعة

عين الوقت الموضح على الساعة اليمنى واليسرى.

٠١:٢٨

‏نسخة الفيديو النصية

عيّن الوقت الموضّح على الساعة اليمنى واليسرى. آدي الساعة اليمنى، وآدي الساعة اليسرى. اليمنى يعني اللي موجودة على اليمين، واليسرى يعني اللي موجودة على الشمال. هنقرأهم الاتنين ونبدأ بالساعة اليمنى.

هنلاحظ إن عقرب الساعات أو اللي هو العقرب الصغير ده موجود ما بين الستة والسبعة، عدّى الستة بس لسه ما عدّاش السبعة، ده بالنسبة للعقرب الصغير. أما العقرب الكبير اللي هو عقرب الدقايق موجود عند الستة، موجود عند الستة يعني عدّى نص ساعة؛ يبقى الساعة ستة ونص، اللي هي ستة وتلاتين دقيقة.

طيب لو رُحنا للساعة اليسرى، هنلاقي إن العقرب الصغير اللي هو عقرب الساعات موجود عند التمنية، والعقرب الكبير أو عقرب الدقايق موجود عند الاتناشر؛ موجود عند الاتناشر ده معناه إن هي ساعة كاملة، يبقى هنا الساعة تمنية بالظبط. فيه أصفار علشان ما فيش أي دقايق مع التمنية.

يبقى الإجابة هتكون بالشكل ده، اليمنى ستة ونص، واليسرى تمنية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.