فيديو: جمع الكسور

أوزان ٣ صناديق ٩/١ ١ كجم، ٣/١ ٢ كجم، ٩/٢ كجم. ما الوزن الكلي للصناديق؟

٠١:٥٥

‏نسخة الفيديو النصية

أوزان تلات صناديق: واحد وواحد على تسعة كيلوجرام،اتنين وواحد على تلاتة كيلوجرام، اتنين على تسعة كيلوجرام، ما الوزن الكلي للصناديق؟

عشان نعرف الوزن الكلي للصناديق هنجمع أوزانها، يعني هنجمع: واحد وواحد على تسعة، زائد اتنين وواحد على تلاتة، زائد اتنين على تسعة، فهنعيد كتابة السؤال بفصل الأعداد الصحيحة عن الكسور، يعني ده هيساوي: واحد، زائد واحد على تسعة، زائد اتنين، زائد واحد على تلاتة، زائد اتنين على تسعة، بعدين نجمع الأعداد الصحيحة لوحدها والكسور لوحدها، فبالنسبة للأعداد الصحيحة هنجمع واحد زائد اتنين هيساوي تلاتة، وبالنسبة للكسور محتاجين نجمع: واحد على تسعة، زائد واحد على تلاتة، زائد اتنين على تسعة، فباستخدام خاصية الدمج هنجمع واحد على تسعة مع اتنين على تسعة، يبقى واحد على تسعة، زائد اتنين على تسعة، زائد واحد على تلاتة، ده هيساوي: واحد على تسعة زائد اتنين على تسعة هيساوي تلاتة على تسعة، زائد واحد على تلاتة، وبتبسيط البسط والمقام في الكسر الأول ده هيساوي: واحد على تلاتة، زائد واحد على تلاتة، اللي هيساوي اتنين على تلاتة.

نرجع للسؤال هيبقى الوزن الكلي للصناديق بيساوي مجموع الاعدد الصحيحة اللي هو تلاتة، زائد مجموع الكسور اللي هو اتنين على تلاتة، وده هيساوي تلاتة واتنين على تلاتة كيلوجرام، وده الوزن الكلي للصناديق.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.