فيديو: إيجاد المساحة الكلية لمتوازي مستطيلات في السياقات الحياتية

يستخدم محمد الكرتون لصنع صندوق طوله ٣٠ سم، وعرضه ٢٥ سم، وارتفاعه ٢٠ سم. كم يحتاج من الكرتون؟

٠٢:١٧

‏نسخة الفيديو النصية

يستخدم محمد الكرتون لصنع صندوق طوله ثلاثون سنتيمترًا، وعرضه خمسة وعشرون سنتيمترًا، وارتفاعه عشرون سنتيمترًا. كم يحتاج من الكرتون؟

عشان نعرف محمد هيحتاج كرتون قد إيه، هنحتاج نحسب مساحة سطح الصندوق. مساحة سطح الصندوق هتساوي مجموع مساحات الأوجُه، يعني هتساوي اتنين في؛ الطول في العرض، زائد العرض في الارتفاع، زائد الارتفاع في الطول. فهنعوّض عن الطول بتلاتين، وعن العرض بخمسة وعشرين، وعن الارتفاع بعشرين؛ يبقى مساحة سطح الصندوق هتساوي اتنين في الطول تلاتين، في العرض خمسة وعشرين؛ زائد العرض خمسة وعشرين، في الارتفاع عشرين؛ زائد الارتفاع عشرين، في الطول تلاتين.

حسب ترتيب إجراء العمليات، هنجري العمليات اللي داخل الأقواس الأول. وبما إن داخل الأقواس فيه عمليات ضرب وعمليات جمع، فبرضو حسب ترتيب العمليات، هنجري عمليات الضرب في البداية من اليمين إلى اليسار. يبقى مساحة السطح هتساوي اتنين في … تلاتين في خمسة وعشرين هتساوي سبعمية وخمسين؛ زائد … خمسة وعشرين في عشرين هتساوي خمسمية، زائد … عشرين في تلاتين هتساوي ستمية.

بعدين نجري عمليات الجمع داخل الأقواس، يبقى ده هيساوي اتنين في … باستخدام خاصية الدمج هنجمع أول عددين، بعدين نجمع مجموعهم مع العدد التالت؛ فنجمع سبعمية وخمسين زائد خمسمية هيساوي ألف وميتين وخمسين، زائد ستمية، يبقى مساحة السطح هتساوي اتنين في، ألف وميتين وخمسين زائد ستمية؛ يعني اتنين في ألف وتمنمية وخمسين. واتنين في ألف وتمنمية وخمسين هتساوي تلاتة آلاف وسبعمية سنتيمتر مربع، وهي دي المساحة السطحية للصندوق، والكمية اللي هيحتاجها محمد من الكرتون.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.