فيديو: التحقُّق من جمل الطرح لعددين مُكوَّنين من عدة أرقام

حدِّد ما إذا كان ٤٩٦٨٥ − ٣٣٨٣٣ = ١٥٨٥٢ صحيحًا أم خطأً.

٠١:٣٩

‏نسخة الفيديو النصية

حدد ما إذا كان تسعة وأربعين ألف ستمية خمسة وتمانين ناقص تلاتة وتلاتين ألف تمنمية تلاتة وتلاتين يساوي خمستاشر ألف تمنمية اتنين وخمسين، صحيحًا أم خطأ.

هنُجري عملية الطرح اللي عندنا دي رأسيًّا ونشوف ناتج الطرح هيطلع إيه، ونقارنه بالناتج المعطى عندنا في السؤال؛ عشان نعرف العبارة صحيحة أم خطأ. نتأكّد وإحنا حاطين العددين تحت بعض إن إحنا حاطين الأرقام اللي في الآحاد تحت بعضها، واللي في العشرات تحت بعضها، وهكذا. وهنبدأ الطرح من خانة الآحاد: خمسة ناقص تلاتة يساوي اتنين، وبعدين تمنية ناقص تلاتة يساوي خمسة، ستة ناقص تمنية مش هينفع نطرح تمنية من الستة؛ عشان التمنية أكبر من الستة، فهنشوف الخانة المكانية اللي قبل الستة اللي فيها تسعة، هناخد منها واحد، فيصبح فيها تمنية بدل التسعة، أما الستة دلوقتي هتصبح ستاشر، دلوقتي نقدر نطرح ستاشر ناقص تمنية، ناتج الطرح هيبقى تمنية، وبعدين هنطرح تمنية ناقص تلاتة، ناتج الطرح هيبقى خمسة، وبعدين أربعة ناقص تلاتة، ناتج الطرح هيبقى واحد.

يعني تسعة وأربعين ألف ستمية خمسة وتمانين، ناقص تلاتة وتلاتين ألف تمنمية تلاتة وتلاتين؛ هيساوي خمستاشر ألف تمنمية اتنين وخمسين، وده نفس الناتج اللي موجود في السؤال؛ يبقى العبارة اللي عندنا دي بالفعل عبارة صحيحة، ويبقى ناتج الطرح اللي مذكور في العبارة دي صحيح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.