فيديو: إيجاد قياس زاوية بمعلومية العلاقة مع قياس الزاوية المُكمِّلة لها

إذا كانت النسبة بين زاويتين متكاملتين ١ : ٩، فما قياس الزاوية الصغرى؟

٠١:٤٩

‏نسخة الفيديو النصية

إذا كانت النسبة بين زاويتين متكاملتين واحد إلى تسعة، فما قياس الزاوية الصغرى؟

فخلّينا في الأول نفرض إن الزاويتين المتكاملتين، هما: الزاوية واحد، والزاوية اتنين. ومعطى عندنا إن النسبة بين الزاويتين، هي واحد إلى تسعة. فمعنى كده إن نسبة قياس الزاوية واحد، إلى قياس الزاوية اتنين، هي واحد إلى تسعة. وبما إن معطى عندنا إن الزاويتين متكاملتين، فخلّينا نفتكر هم الزاويتين اللي مجموع قياسهم مية وتمانين درجة.

فمعنى كده إننا لو جينا نوجد نسبة قياسات الزاويتين، إلى نسبة مجموعهم. اللي هو قياس الزاوية واحد، زائد قياس الزاوية اتنين. فبما إن قياس الزاوية واحد إلى قياس الزاوية اتنين، نسبتها واحد إلى تسعة. فبالتالي هيبقى نسبة قياس الزاوية واحد زائد قياس الزاوية اتنين، هي واحد زائد تسعة. واللي هتساوي عشرة.

بعد كده بما إننا عرفنا إن الزاويتين المتكاملتين، بيبقى مجموع قياسهم مية وتمانين درجة. فمعنى كده إن قياس الزاوية واحد زائد قياس الزاوية اتنين، هيبقى بيساوي مية وتمانين درجة. وهنكتبها تحت نسبتها، اللي هي عشرة.

بعد كده المطلوب في السؤال إننا نوجد قياس الزاوية الصغرى. والزاوية الصغرى في السؤال اللي عندنا، هتبقى الزاوية واحد؛ لأن هي اللي نسبتها أقل. فعلشان نوجد قياس الزاوية الصغرى، يبقى هنستخدم الضرب التبادلي. وبالتالي هيبقى قياس الزاوية الصغرى بيساوي واحد في مية وتمانين، الكل على عشرة. فلمّا نحسبها هتبقى بتساوي تمنتاشر. وبالتالي هيبقى قياس الزاوية الصغرى هو تمنتاشر درجة. وهتبقى هي دي إجابة السؤال.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.