فيديو: إيجاد كسور الكميات في أبسط صورة بمعلومية الكل والجزء

إذا كان ١٢ من كل ١٨ طالبًا في المدرسة يركبون الحافلة، فعبِّر عن الكسر الذي يمثِّل طلاب المدرسة الذين يركبون الحافلة في أبسط صورة.

٠١:١٩

‏نسخة الفيديو النصية

إذا كان اتناشر من كل تمنتاشر طالب في المدرسة يركبون الحافلة، فعبّر عن الكسر الذي يمثّل طلاب المدرسة، الذين يركبون الحافلة، في أبسط صورة.

لمّا بنيجي نعبّر عن الأجزاء من مجموعة أو الأجزاء من الكل باستخدام الكسور، فدايمًا البسط بيبقى عبارة عن عدد الأجزاء المراد التعبير عنها، أمّا المقام فبيبقى عبارة عن عدد الأجزاء الكلية أو عدد الوحدات اللي بتتكوّن منها المجموعة.

طب دلوقتي إحنا عايزين نعبّر عن عدد الطلاب اللي بيركبوا الحافلة بالنسبة لكل الطلاب اللي في المدرسة. طب عدد الأجزاء اللي إحنا عايزين نعبّر عنهم اللي هو العدد اللي بيركب الحافلة، اللي هم زي ما معطى عندنا في السؤال اتناشر طالب؛ يبقى هنكتب في البسط اتناشر، من كل تمنتاشر، يبقى عدد الأجزاء الكلية هيبقى تمنتاشر؛ يبقى كده الكسر اللي هيعبّر عن طلاب المدرسة الذين يركبون الحافلة هو اتناشر على تمنتاشر.

بس هو كده مش في أبسط صورة، لسه ما زال فيه عامل مشترك بين البسط والمقام. خلينا نقسم على ستة البسط والمقام، هيصبح دلوقتي الكسر اللي بيعبّر عن طلاب المدرسة اللي بيركبوا الحافلة هو اتنين على تلاتة، وهو كده مكتوب في أبسط صورة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.