فيديو: حل المسائل الكلامية بجمع الكسور ذات المقامات المتساوية وطرحها

يوضح الجدول كيف ينفق نبيل دخله كل شهر. كم يزيد ما ينفقه على المواصلات والغذاء عما ينفقه على الإيجار؟

٠١:٣٧

‏نسخة الفيديو النصية

يوضّح الجدول كيف ينفق نبيل دخله كل شهر. بكمْ يزيد ما ينفقه على المواصلات والغذاء عمّا ينفقه على الإيجار؟

واضح من الجدول اللي عندنا إنه بينفق على الغذاء تسعة على خمستاشر من دخله الشهري، وعلى الإيجار تلاتة على خمستاشر من دخله الشهري، وعلى المواصلات واحد على خمستاشر من الدخل الشهري بتاعه، وعلى المدّخرات؛ أو يعني بيدّخر، اتنين على خمستاشر من دخله الشهري.

طب إحنا عايزين نعرف هو بينفق على الغذاء، اللي هو البند ده؛ وعلى المواصلات، اللي هو البند ده، أكتر بقدّ إيه من إنفاقه على بند الإيجار. يبقى هنجمع إنفاقه على البندين، اللي هو الغذاء والمواصلات، وبعدين نطرح منهم إنفاقه على بند الإيجار. يبقى هنجمع دلوقتي ما ينفقه على الغذاء، اللي هو تسعة على خمستاشر؛ زائد ما ينفقه على المواصلات، اللي هو واحد على خمستاشر؛ وبعدين نطرح منهم اللي بينفقه على الإيجار، اللي هو تلاتة على خمستاشر.

هنبدأ الأول بعملية الجمع اللي عندنا؛ هنجمع تسعة على خمستاشر، زائد واحد على خمستاشر، يبقى الناتج عشرة على خمستاشر. وبعدين نطرح منهم تلاتة على خمستاشر. عشرة ناقص تلاتة سبعة، والمقام زي ما هو خمستاشر.

يبقى كده قدرنا نعرف إن نبيل بينفق على الغذاء والمواصلات أكتر من الإيجار بمقدار سبعة على خمستاشر من دخله الشهري.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.