فيديو: إيجاد القيم المتطرِّفة في مجموعة بيانات تتضمَّن أعدادًا عشرية

أوجد جميع القيم المتطرفة، إن وجدت، في مجموعة البيانات التالية: ٣١٫٩، ٤٤٫٢، ٣١٫٣، ٤٨٫٧، ٢٣٫٤، ٣٥٫٥، ٣٤٫٥، ٢٦٫٥، ٤١٫٦، ٩٫٥، ٦٠٫٢، ٥٢٫٩، ٤٦٫١، ٤١٫٨، ٥١٫٣.

٠٣:٥٥

‏نسخة الفيديو النصية

أوجد جميع القيم المتطرفة إن وجدت في مجموعة البيانات التالية: واحد وثلاثون وتسعة من عشرة. أربعة وأربعون واثنان من عشرة. واحد وثلاثون وثلاثة من عشرة. ثمانية وأربعون وسبعة من عشرة. ثلاثة وعشرون وأربعة من عشرة. خمسة وثلاثون وخمسة من عشرة. أربعة وثلاثون وخمسة من عشرة. ستة وعشرون وخمسة من عشرة. واحد وأربعون وستة من عشرة. تسعة وخمسة من عشرة. ستون واثنان من عشرة. اثنان وخمسون وتسعة من عشرة. ستة وأربعون وواحد من عشرة. واحد وأربعون وثمانية من عشرة. واحد وخمسون وثلاثة من عشرة.

أول خطوة علشان نحدد القيم المتطرفة، هي ترتيب البيانات تصاعديًّا؛ يعني من الأصغر للأكبر. فترتيبها هيبقى بالصورة دي.

بعد كده نحدّد الوسيط والرُّبيع الأعلى والرُّبيع الأدنى. الوسيط هو القيمة الوسطى في مجموعة البيانات. فالوسيط بالنسبة لمجموعة البيانات دي هيكون واحد وأربعين وستة من عشرة؛ وده لأن عدد البيانات هو خمستاشر. وترتيب الوسيط بيساوي ن اللي هو عدد القيم، زائد واحد؛ على اتنين. في حالة إذا كان عدد البيانات فردي. يعني هيساوي خمستاشر زائد واحد، على اتنين؛ يعني هيساوي ستاشر على اتنين، يعني هيساوي تمنية. يبقى القيمة التامنة في القيم بعد ترتيبها تصاعديًّا، هتبقى هي قيمة الوسيط.

الرُّبيع الأدنى هيبقى العنصر الأوسط في مجموعة البيانات الأقل من الوسيط. يعني في مجموعة البيانات اللي على اليمين. وبما إن عددهم سبع قِيَم. فهتبقى القيمة الوسطى ليهم هي واحد وتلاتين وتلاتة من عشرة.

الرُّبيع الأعلى هو العنصر الأوسط في مجموعة البيانات الأكبر من الوسيط. يعني العناصر اللي على يسار الوسيط. وبما إن عددهم هو سبع قِيَم. يبقى هتبقى القيمة الوسطى ليهم هي تمنية وأربعين وسبعة من عشرة.

القيم المتطرفة هي البيانات اللي قيمتها بتزيد أو بتقل بفرق كبير عن الوسيط. وبنحسبها بإنها بتبقى البيانات اللي بتزيد عن الرُّبيع الأعلى زائد واحد ونص في المدى الرُّبيعي. أو البيانات اللي بتقل عن الرُّبيع الأدنى ناقص واحد ونص في المدى الرُّبيعي. المدى الربيعي بيساوي الرُّبيع الأعلى ناقص الرُّبيع الأدنى. يعني هيساوي تمنية وأربعين وسبعة من عشرة، اللي هو الرُّبيع الأعلى؛ ناقص واحد وتلاتين وتلاتة من عشرة، اللي هو الرُّبيع الأدنى. وده هيساوي سبعتاشر وأربعة من عشرة.

بعد كده نحسب الرُّبيع الأعلى زائد واحد ونص في المدى الرُّبيعي. فده هيساوي … الرُّبيع الأعلى اللي هو تمنية وأربعين وسبعة من عشرة، زائد واحد ونص في المدى الرُّبيعي، اللي هو سبعتاشر وأربعة من عشرة. وده هيساوي بعد إجراء الحسابات أربعة وسبعين وتمنية من عشرة.

بعد كده هنحسب الرُّبيع الأدنى ناقص واحد ونص في المدى الرُّبيعي. فده هيساوي … الرُّبيع الأدنى اللي هو واحد وتلاتين وتلاتة من عشرة، زائد واحد ونص في المدى الرُّبيعي، اللي هو سبعتاشر وأربعة من عشرة. وده هيساوي بعد إجراء الحسابات خمسة وتلاتة من عشرة.

يبقى ممكن نستنتج إن القيم المتطرِّفة هي البيانات اللي بتزيد عن أربعة وسبعين وتمنية من عشرة، أو بتقل عن خمسة وتلاتة من عشرة. فبالنظر للبيانات هنلاقي إن أقل قيمة هي تسعة وخمسة من عشرة. وأكبر قيمة هي ستين واتنين من عشرة. وبالتالي مجموعة البيانات لا توجد فيها قِيَم متطرفة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.