فيديو السؤال: تحديد نوع مثلث بتطبيق نظرية فيثاغورس الرياضيات

هل الأطوال التالية ٧٫٩ سم، ٨٫١ سم، ٥٫٣ سم تصنع مثلثًا قائم الزاوية؟

٠١:٠٩

‏نسخة الفيديو النصية

هل الأطوال التالية سبعة وتسعة من عشرة سنتيمتر، تمنية وواحد من عشرة سنتيمتر، خمسة وتلاتة من عشرة سنتيمتر، تصنع مثلثًا قائم الزاوية؟

علشان نعرف أي مثلث قائم الزاوية ولّا لأ، هنستخدم معكوس نظرية فيثاغورس. واللي بتقول إذا كان مربع طول الضلع الأكبر بيساوي مجموع مربعَي الضلعين الآخرين، فإن المثلث ده هيكون قائم الزاوية.

أكبر ضلع عندنا هو تمنية وواحد من عشرة سنتيمتر. هنجيب مربعه. تمنية وواحد من عشرة تربيع بيساوي خمسة وستين وواحد وستين من مية. والضلعين التانيين سبعة وتسعة من عشرة، وخمسة وتلاتة من عشرة سنتيمتر. هنجيب مجموع مربعينهم. سبعة وتسعة من عشرة تربيع، زائد خمسة وتلاتة من عشرة تربيع، بيساوي تسعين ونص.

يبقى كده مربع طول ضلع الأكبر لا يساوي مجموع مربعَي الضلعين الآخرين. خمسة وستين وواحد وستين من مية، ما بتساويش تسعين ونص. يبقى المثلث ده مش هيكون قائم الزاوية وهتكون الإجابة لا.

Nagwa uses cookies to ensure you get the best experience on our website. Learn more about our Privacy Policy.