فيديو: إيجاد العامل المشترك الأكبر

أوجد ع. م. أ. لجميع الأعداد في النمط التالي: ٧، ١٤، ٢١، ٢٨، _.

٠١:٥٩

‏نسخة الفيديو النصية

أوجد ع م أ لجميع الأعداد في النمط التالي: سبعة، وأربعتاشر، وواحد وعشرين، وتمنية وعشرين … وهكذا.

وخلينا في الأول نفتكر إن ع م أ بترمز للعامل المشترك الأكبر، والعدد المشترك الأكبر لمجموعة من الأعداد هو أكبر عدد مجموعة الأعداد دي بتقبل القسمة عليه، وبنقدر نوجده عن طريق تحليل الأعداد إلى عواملها الأولية؛ فمعنى كده إننا عشان نوجد العامل المشترك الأكبر لمجموعة الأعداد دي، يبقى هنحلل كل عدد فيهم إلى عوامله الأولية.

فهنبدأ الأول نحلل العدد سبعة لعوامله الأولية، وبما إن سبعة هو عدد أولي فبالتالي ما فيش تحليل ليه غير واحد في سبعة.

بعد كده هنحلل العدد أربعتاشر لعوامله الأولية، والعدد أربعتاشر هو حاصل ضرب اتنين في سبعة، وبما إن العدد اتنين والعدد سبعة أعداد أولية فبالتالي يبقى إحنا كده خلّصنا تحليل العدد أربعتاشر.

بعد كده هنحلل العدد واحد وعشرين، والعدد واحد وعشرين هو حاصل ضرب تلاتة في سبعة، وبنفس الطريقة بما إن تلاتة وسبعة أعداد أولية فيبقى كده خلّصنا تحليل العدد واحد وعشرين.

بعد كده هنحلل العدد تمنية وعشرين، والعدد تمنية وعشرين هو حاصل ضرب اتنين في أربعتاشر، لكن العدد أربعتاشر عدد غير أولي؛ فبالتالي نقدر نحلّله لعوامله الأولية، فهتبقى أربعتاشر هي حاصل ضرب اتنين في سبعة.

فكده يبقى إحنا حلّلنا جميع الأعداد اللي عندنا إلى عواملها الأولية، بعد كده هنوجد العوامل المشتركة بين الأربع أعداد، فهنلاحظ إن العدد المشترك أو العامل المشترك هو العدد سبعة؛ لأن هو العامل الوحيد المشترك للأربع أعداد، فبالتالي هيبقى العدد سبعة في نفس الوقت هو العامل المشترك الأكبر؛ فبالتالي هيبقى العامل المشترك الأكبر لجميع الأعداد اللي في النمط هو سبعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.