فيديو: خواص شبه المنحرف

حدِّد أيٌّ من هذه الأشكال الرباعية به ضلعان فقط متوازيان: المربع، المستطيل، شبه المنحرف، المعين، متوازي الأضلاع.

٠١:١٧

‏نسخة الفيديو النصية

حدّد أيٍّ من الأشكال الرباعية هذه به ضلعان فقط متوازيان: المربع، المستطيل، شبه المنحرف، المعيّن، متوازي الأضلاع.

دي مجموعة الأشكال الرباعية اللي عندنا، وكلها حالات خاصة من متوازي الأضلاع؛ يعني خلينا نشوف الأول متوازي الأضلاع، متوازي الأضلاع بيبقى فيه كل ضلعين متقابلين متوازيين، ده بالنسبة للتوازي مش هنتكلم عن التساوي دلوقتي.

المعيّن هو أحد أنواع متوازي الأضلاع، بس بتبقى الأربع أضلاع فيه متساوية، بس بيحقق نفس شروط التوازي، كل ضلعين متقابلين متوازيين.

أما شبه المنحرف فبيبقى فيه ضلعين متقابلين فقط متوازيين، أما الضلعين الآخرين الضلعين المتقابلين التانيين مش بيبقوا متوازيين.

يبقى دلوقتي الشكل الرباعي اللي موجود فيه فقط ضلعين متوازيين هو شبه المنحرف، خلينا برضو نشوف المستطيل والمربع.

المستطيل والمربع الشكلين زي متوازي الأضلاع؛ لأنهم برضو أحد الحالات الخاصة من متوازي الأضلاع، بيبقى فيهم كل ضلعين متقابلين متوازيين.

يبقى الشكل الوحيد اللي اتحقق فيه إن ضلعين فقط متوازيين هو شبه المنحرف.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.