فيديو: قسمة عددين صحيحين بالعد

أكمل: كل أرنب سيحصل على ١٢ ÷ ٤ = _ جزرة.

٠١:٢٩

‏نسخة الفيديو النصية

أكمل: كل أرنب سيحصل على اتناشر على أربعة تساوي نقط جزرة.

عاوزين نعرف كل أرنب من الأربع أرانب اللي قدّامنا دول. لمّا نقسّم عليهم مجموعة الجزر اللي عندنا دي كل أرنب هيبقى نصيبه كام جزرة.

إحنا قلنا إن إحنا هنقسّم؛ يعني هنحلّ باستخدام عملية القسمة. هنقسّم إيه؟ الجزر على الأرانب. هم اتناشر جزرة، هنقسّمهم على الأربع أرانب، ونشوف كل أرنب هياخد كام جزرة.

أول جزرة هتروح لأول أرنب. والجزرة التانية لتاني أرنب. والجزرة التالتة لتالت أرنب. والجزرة الرابعة لرابع أرنب. كده إحنا قسّمنا أول أربع جزرات على الأربع أرانب.

بنفس الطريقة هنقسّم الأربع جزرات دول على الأربع أرانب، وندّي لكل أرنب جزرة.

والصف التالت اللي فيه أربع جزرات برضو على الأربع أرانب.

كده إحنا قسّمنا الاتناشر جزرة كلهم على الأربع أرانب، وما عندناش ولا جزرة لسه ما اتقسّمتش.

طيّب نصيب بقى كل أرنب كام جزرة؟

ده هو نصيب الأرنب الواحد: تلات جزرات؛ لأن كل أرنب مِ اللي عندنا خد تلات جزرات.

يبقى اتناشر على الأربعة هتساوي تلاتة. وهي دي الإجابة الصح: تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.