فيديو: تحويل الأطوال من الأمتار إلى الملليمترات

أكمل: ١٫٩ م = _ مم.

٠١:١٧

‏نسخة الفيديو النصية

أكمل: واحد وتسعة من عشرة متر، يساوي نقط ملليمتر.

يعني معطى عندنا مقدار بالمتر، وعايزين نحوّله إلى ملليمتر. وخلينا في الأول نفتكر إن واحد متر بيساوي ألف ملليمتر. فبالتالي لو عندنا مقدار معطى بالمتر، وعايزين نحوّل المقدار ده من متر إلى ملليمتر، يبقى هنضرب المقدار في ألف. وأمّا لو عندنا العكس، يعني عندنا المقدار معطى بالملليمتر، وعايزين نحوّله إلى متر، فهيبقى هنقسم المقدار اللي معطى بالملليمتر على ألف؛ علشان نحوّله إلى متر.

وفي السؤال اللي عندنا معطى المقدار بالمتر، وهو واحد وتسعة من عشرة متر، وعايزين نحوّله إلى ملليمتر. وزي ما عرفنا إننا عشان نحوّل من متر إلى ملليمتر، بنضرب في ألف. فبالتالي هنضرب المقدار اللي عندنا، اللي هو واحد وتسعة من عشرة، في ألف؛ علشان نحوّله إلى ملليمتر. ولمّا يكون عندنا عدد عشري، وهنضربه في ألف، فبنحرّك العلامة العشرية تلات أماكن جهة اليمين.

فبالتالي هيبقى واحد وتسعة من عشرة في ألف يساوي ألف وتسعمية، وهتبقى الوحدة هي ملليمتر. وبالتالي هيبقى واحد وتسعة من عشرة متر يساوي ألف وتسعمية ملليمتر. يعني هنكتب مكان النقط ألف وتسعمية.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.