فيديو السؤال: تحديد المضلعات الرياضيات

هل الشكل المعطى مضلّع؟

٠١:٠١

‏نسخة الفيديو النصية

هل الشكل المعطى مضلّع؟

قدامنا شكل، وعايزين نعرف الشكل ده هو مضلّع ولّا لأ. وعلشان يكون الشكل مضلّع فيه مجموعة من الشروط لازم تتحقّق. أول شرط: إن الشكل يكون مغلَق. لو بصّينا عَ الشكل اللي موجود عندنا، هنلاقيه شكل مغلَق، ما فيش فيه أيّ فتحات. يبقى الشرط الأولاني تحقّق. تاني شرط: ألّا يحتوي على منحنيات، يعني ما يبقاش فيه أيّ منحنيات. وعندنا ما فيش أيّ منحنيات في الشكل. يبقى الشرط التاني كمان تحّقق. تالت شرط: إن عدد الأضلاع يكون تلاتة أو أكتر. هنعدّ عدد الأضلاع، هنلاقي واحد، اتنين، تلاتة، أربعة، خمسة، ستة. عدد أضلاعه ستة. يعني حقّق الشرط ده.

ولأن الشكل حقّق التلات شروط؛ إن هو شكل مغلق، وما فيهوش منحنيات، وعدد أضلاعه تلاتة أو أكتر، كان في الحالة اللي موجودة عندنا ستة. يبقى الإجابة: نعم، الشكل المعطى مضلَّع.

Nagwa uses cookies to ensure you get the best experience on our website. Learn more about our Privacy Policy.