فيديو: امتحان الفزياء الدور الثاني للعام السابق • ٢٠١٨/٢٠١٧ • السؤال الثالث ب

امتحان الفزياء الدور الثاني للعام السابق • ٢٠١٨/٢٠١٧ • السؤال الثالث ب

٠١:٢٨

‏نسخة الفيديو النصية

في الأميتر الحراري، السلك المصنوع من سبيكة الإيريديوم والبلاتين يُشَدّ على لوح معدني يُعزَل عنه كهربيًّا. ويكون له نفس معامل تمدُّد السلك. ما سبب ذلك؟

فالأميتر الحراري بيبقى عبارة عن سلك من سبيكة الإيريديوم والبلاتين. ومربوط فيها بَكَرة مشدودة بزنبرك. والبَكَرة متوصَّل فيها مؤشِّر بيحدِّد شدة التيار اللي ماشي في الجهاز. ولمَّا يمشي تيار في الجهاز بيبدأ السلك يسخن. فهيبدأ يتمدَّد. والزنبرك هيشدّ السلك لتحت. فالبَكَرة هتحرَّك المؤشِّر. والقيمة اللي بيقراها المؤشِّر هي قيمة التيار اللي ماشي في الجهاز.

وده معناه إن المؤشِّر بيعتمد على درجة حرارة السلك. فلو التيار ما كانش موجود، ولكن درجة حرارة المحيط عالية. فده هيخلِّي السلك يتمدَّد. وبالتالي المؤشِّر هيقرا حاجة غير الصفر. فالجهاز هيبقى قاري إن فيه تيار رغم إن ما فيش تيار. وده اسمه الخطأ الصفري.

فعلشان نتغلّب على الخطأ الصفري، السلك بيُشَدّ على لوح معدني ليه نفس معامل تمدُّد السلك. فلو بصِّينا على الجهاز من الجنب، هنلاقي إن السلك مشدود على لوح معدني. فلو كان اللوح المعدني ده ليه نفس معامل تمدُّد السلك أيًّا كان تمدُّد السلك بسبب درجة حرارة المحيط. اللوح المعدني هيتمدَّد زيُّه بالظبط. وده هيمنع انحناء السلك أيًّا كانت درجة حرارة المحيط.

يعني سبب شدّ السلك على لوح معدني له نفس معامل تمدُّد السلك: إنه للتغلُّب على الخطأ الصفري في التدريج. الذي ينتج عن تأثُّر السلك بدرجة حرارة الجو.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.