فيديو: جمع النقود

يوضِّح الفيديو طرق جمع النقود باستخدام كلٍّ من النماذج والأعداد.

٠٣:١١

‏نسخة الفيديو النصية

دلوقتي هنتكلم عن جمع النقود. هنتعلم إزاي نجمع النقود بالجنيه.

هبتدي الشرح بالمثال التالي: دفع محمود خمسة وتلاتين جنيه للسمكة الذهبية، ودفع خمسين جنيه للسمكة الخضراء. كم دفع محمود للسمكتين؟

عشان نجيب كم دفع محمود للسمكتين، هنجمع خمسة وتلاتين جنيه، زائد خمسين جنيه. الطريقة الأولى: هنستعمل النماذج. خمسة وتلاتين جنيه هنمثّلها بتلات أوراق نقدية، كل ورقه بعشرة جنيه، وورقة نقدية بخمسة جنيه. والخمسين جنيه هنمثّلها بورقه نقدية بخمسين جنيه. بعد كده هنرتبهم من الكبير للصغير. وهنجمع خمسين زائد عشرة هيساوي ستين. زائد عشرة هيساوي سبعين. زائد عشرة هيساوي تمانين. وأخيرًا تمانين زائد خمسة هيساوي خمسة وتمانين. وبكده أقدر أقول إن دفع محمود خمسة وتمانين جنيه للسمكتين مع بعض.

الطريقة التانية: هنستعمل الأعداد. خمسة وتلاتين جنيه زائد خمسين جنيه. هنجمع الآحاد؛ خمس آحاد زائد صفر آحاد هيساوي خمس آحاد. وبعد كده هنجمع العشرات؛ تلات عشرات زائد خمس عشرات هيساوي تمن عشرات. يعني دفع محمود خمسة وتمانين جنيه للسمكتين. وهو نفس الناتج اللي حصلنا عليه بالطريقة الأولى.

هنكمل في الصفحة اللي جاية.

مثال: دفع سامي خمسة وعشرين جنيه لتذكرة كرة القدم، ودفع سبعتاشر جنيه لتذكرة كرة السلة. كم دفع سامي للتذكرتين؟

عشان أجيب الفلوس اللي دفعها سامي للتذكرتين، هجمع خمسة وعشرين جنيه زائد سبعتاشر جنيه. هنستعمل النماذج. خمسة وعشرين جنيه هنستعمل ورقة نقدية بعشرين جنيه وورقة نقدية بخمسة جنيه. وسبعتاشر جنيه هنستعمل ورقة نقدية بعشرة جنيه، وورقة نقدية بخمسة جنيه، وورقتين كل واحدة فيهم بواحد جنيه. بعد كده هنرتبهم من الكبير للصغير ونجمع؛ عشرين جنيه زائد عشرة جنيه يعني تلاتين جنيه. زائد خمسة جنيه يعني خمسة وتلاتين جنيه. زائد خمسة جنيه يعني أربعين جنيه. زائد جنيه يعني واحد وأربعين جنيه. زائد جنيه يعني اتنين وأربعين جنيه. وبكده هيدفع سامي اتنين وأربعين جنيه للتذكرتين.

وبكده هنكون اتعلمنا إزاي نجمع النقود بالجنيه؛ بإننا نمثّل النقود بنماذج باستعمال الأوراق النقدية. وبعد كده هنرتبهم من الكبير للصغير، وبعد كده هنجمع.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.