فيديو السؤال: الحل بإيجاد طول الوتر في المثلث القائم الزاوية بأعداد غير صحيحة الرياضيات

أوجد طول قطر المستطيل الذي طوله ٤٨ سم، وعرضه ٢٠ سم.

٠١:٣٤

‏نسخة الفيديو النصية

أوجد طول قطر المستطيل، الذي طوله تمنية وأربعين سنتيمتر، وعرضه عشرين سنتيمتر.

نرسم مستطيل بالشكل ده. بعد كده نحدّد عليه أحد الأقطار. وبما إن رؤوس المستطيل بتكون جميع زواياها قائمة، يبقى ممكن نعتبر الجزء ده من المستطيل مثلث قائم. حسب نظرية فيثاغورس، فمربع الوتر يساوي مجموع مربعَي الضلعين الآخرين. فممكن نعتبر إن الوتر هيكون هو قطر المستطيل. وإن الضلعين الآخرين هم الطول والعرض.

يبقى القطر تربيع بيساوي الطول تربيع، اللي بيساوي تمنية وأربعين تربيع؛ زائد عشرين تربيع. ده هيساوي … تمنية وأربعين تربيع هيساوي ألفين وتلتمية وأربعة. زائد … عشرين تربيع بيساوي ربعمية. وألفين وتلتمية وأربعة زائد ربعمية هيساوي ألفين وسبعمية وأربعة.

وبأخذ الجذر التربيعي للطرفين، هيبقى القطر بيساوي الجذر التربيعي لألفين وسبعمية وأربعة. يعني بيساوي اتنين وخمسين سنتيمتر.

Nagwa uses cookies to ensure you get the best experience on our website. Learn more about our Privacy Policy.