فيديو السؤال: حساب مساحة شكل بِعَدِّ مربعات الوحدة الرياضيات

قدِّر مساحة الشكل. [أ] ٣٤ [ب] ٢٦ [ج] ١٦ [د] ٤٢ [ﻫ] ٢٢

٠٢:٠٢

‏نسخة الفيديو النصية

قدِّر مساحة الشكل.

عندنا خمس اختيارات. الاختار الأول: أربعة وتلاتين. الاختيار التاني: ستة وعشرين. التالت: ستاشر. والاختيار الرابع: اتنين وأربعين. الاختيار الخامس: اتنين وعشرين.

هنبصّ على الشكل اللي قدامنا، ومطلوب مننا إن إحنا نوجد المساحة التقريبية أو التقديرية، يعني هنشوف نعدّ المربعات؛ كل مربع كامل ده هيُعتبر واحد وحدة مربعة، أمّا أي جزء متّاخد من مربع فإحنا على سبيل التقدير هنعتبره نصّ.

خلينا نعدّ الأول المربعات الكاملة: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر، سبعتاشر، تمنتاشر، تسعتاشر، عشرين، واحد وعشرين، اتنين وعشرين، تلاتة وعشرين، أربعة وعشرين، خمسة وعشرين، ستة وعشرين؛ كده عندنا ستة وعشرين مربع كامل، يعني ستة وعشرين وحدة.

نشوف بقى الأجزاء من المربعات، وهنعتبر كل واحد منهم نصّ، نشوف عندنا كام نصّ: واحد، اتنين، تلاتة، أربعة، خمسة، ستة، سبعة، تمنية، تسعة، عشرة، حداشر، اتناشر، تلتاشر، أربعتاشر، خمستاشر، ستاشر؛ يعني المساحة التقديرية هتبقى مجموع ستة وعشرين مربع زائد ستاشر في نصّ.

كده هيبقى عندنا ستة وعشرين مربع كامل، وستاشر نص اللي هم هيبقوا تمن مربعات كاملين؛ مجموعهم هيبقوا أربعة وتلاتين مربع كامل؛ يعني نقدر نقول إن المساحة التقديرية للشكل اللي قدامنا تقريبًا أربعة وتلاتين.

Nagwa uses cookies to ensure you get the best experience on our website. Learn more about our Privacy Policy.