فيديو: خواص المثلث

ما عدد رءوس المثلث؟

٠١:٤٠

‏نسخة الفيديو النصية

ما عدد رءوس المثلث؟

المثلث له كام رأس؟ آدى المثلث، تعالوا نبصّ عليه ونشوف له كام رأس. هو إيه أصلًا الرأس ده؟ الرأس هو نقطة تقاطُع ضلعين. يعني لو عندي الضلع ده، والضلع ده، اتقابلوا مع بعض في الآخر في النقطة دي؛ يبقى النقطة دي كده رأس. طيب دي كده أول واحدة. تعالوا كده نسميها إيه؟ واحد.

طب عاوزين بقى إيه؟ الضلع ده مع الضلع ده، اتقاطعوا أو اتقابلوا فين في الآخر؟ هنا. يبقى دي كمان إيه؟ رأس. نسميها اتنين؛ لأن تاني رأس إحنا لقيناها.

تمام جدًّا، طيب لو عاوزين بقى الضلع ده، لمّا يتقابل مع الضلع ده، هيوصلوا فين في الآخر؟ النقطة دي. يبقى دي كمان اسمها إيه؟ رأس. ودي رقم كام؟ رقم تلاتة.

فيه أضلاع تانية ممكن يتقابلوا في نقطة ما كتبناهاش؟ لأ، هي دي كل الأضلاع، التلات أضلاع اللي موجودين، خلّينا كل اتنين يتقابلوا في رأس. طب إحنا من هنا، طلّعنا كام رأس للمثلث؟ واحد، اتنين، تلاتة. يبقى إذن المثلث ليه كام رأس؟ تلاتة، وهي دي الإجابة الصح: تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.