نسخة الفيديو النصية
اوجد طول ب ج لأقرب عدد صحيح.
في الرسم اللي قدامنا أ د ده مماس طوله مية أربعة وستين سنتيمتر، وَ أ ج قاطع للدايرة في نقطة ب، وفيه أ ب يساوي ب ج. فيه نظرية بتقول: إذا رُسم مماس وقاطع للدايرة من نقطة خارجها، فإن مربع طول المماس يساوي حاصل ضرب طول القاطع في طول الجزء الخارج منه؛ يعني مربع طول المماس اللي هو أ د، هيساوي طول القاطع مضروب في الجزء الخارج منه؛ القاطع اللي هو أ ج، مضروب في الجزء الخارج منه، اللي هو أ ب. وَ أ ج متنصف لـ أ ب وَ ب ج؛ يعني يساوي اتنين من أ ب. بالتعويض أ د بيساوي مية أربعة وستين، يبقى ده تربيع هيساوي اتنين أ ب في أ ب؛ يعني اتنين أ ب تربيع.
هنقسم الطرفين على اتنين ونوجد الجذر التربيعي لإيجاد قيمة أ ب، يبقى أ ب هيساوي الجذر التربيعي لمية أربعة وستين تربيع على الاتنين، هيساوي تقريبًا مية وستاشر سنتيمتر. وبما أن أ ب بيساوي ب ج، يبقى ب ج هيساوي مية وستاشر سنتيمتر تقريبًا. وهي دي القيمة المطلوبة.
