تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.

فيديو: إيجاد ميل الخط المستقيم

أحمد مدحت

أوجد ميل الخط المستقيم المار بالنقطتين ﺃ(٢، −٥)، ﺏ(٤، ٥).

٠١:٤٣

‏نسخة الفيديو النصية

أوجد ميل الخط المستقيم المارّ بالنقطتين أ: اتنين وسالب خمسة، وَ ب: أربعة وخمسة.

بالنسبة للميل، اللي بنرمز له بالرمز م، لخط مستقيم بيمُرّ بالنقطتين: س واحد وَ ص واحد، وَ س اتنين وَ ص اتنين. فإحنا بنقدر نوجده من الصيغة الرياضية: م، واللي هو الميل، يساوي ص اتنين ناقص ص واحد، على س اتنين ناقص س واحد. فلو النقطة أ هي النقطة س واحد وَ ص واحد. فهيبقى كده س واحد تساوي اتنين، وَ ص واحد تساوي سالب خمسة. أمّا النقطة ب، فهتبقى النقطة س اتنين وَ ص اتنين. فمعنى كده إن س اتنين تساوي أربعة، وَ ص اتنين تساوي خمسة.

وعلشان نوجد ميل الخط المستقيم المارّ بالنقطتين أ وَ ب. هنعوّض بقيم كلًّا من س واحد وَ ص واحد، وَ س اتنين وَ ص اتنين؛ في صيغة الميل. فلمّا هنعوّض في صيغة الميل عن س واحد باتنين، وَ ص واحد بسالب خمسة. وَ س اتنين بأربعة، وَ ص اتنين بخمسة. هيبقى عندنا م تساوي خمسة ناقص سالب خمسة، على أربعة ناقص اتنين.

بالنسبة للبسط، فخمسة ناقص سالب خمسة يساوي عشرة. أمّا المقام، فأربعة ناقص اتنين يساوي اتنين. معنى كده إن م تساوي عشرة على اتنين. وعشرة على اتنين يساوي خمسة. بالتالي م تساوي خمسة. بكده هيبقى ميل الخط المستقيم المارّ بالنقطتين أ: اتنين وسالب خمسة، وَ ب: أربعة وخمسة؛ هو: خمسة.