فيديو السؤال: ربط النسب المئوية والكسور الرياضيات

اكتب النسبة المئوية التي تُمثِّل الأجزاء الملونة من الشكل الآتي.

٠٢:١٤

‏نسخة الفيديو النصية

اكتب النسبة المئوية التي تمثّل الأجزاء الملوّنة من الشكل الآتي. ومعطى عندنا الشكل ده، والمطلوب إننا نكتب النسبة المئوية اللي بتمثّل الأجزاء الملوّنة من الشكل.

وفي الأول هنلاحظ إن الشكل ده بيتكوّن من تمن أجزاء، وأما الأجزاء الملوّنة فهنيجي نعدّهم، هنلاقي عندنا: واحد، اتنين، تلاتة، أربعة، خمسة، ستة؛ فمعنى كده إننا عندنا ست أجزاء ملوّنة من أصل تمن أجزاء. فمعنى كده إن الأجزاء الملوّنة بتمثّل ستة على تمنية من الشكل.

ونقدر نبسّط الكسر ستة على تمنية عن طريق إننا نقسم البسط والمقام على اتنين. فلمّا نقسم البسط ستة على اتنين، هيبقى بتساوي تلاتة؛ وأمّا المقام هنقسم تمنية على اتنين، فهتبقى بتساوي أربعة؛ فمعنى كده إن الأجزاء الملوّنة بتمثل تلاتة على أربعة من الشكل.

لكن المطلوب في السؤال إننا نكتب النسبة المئوية اللي بتمثّل الأجزاء الملوّنة. وخلّينا نفتكر إن النسبة المئوية هو كسر مقامه مية، فمعنى كده إننا عايزين نخلّي المقام أربعة اللي عندنا هنا مية. وعشان نخلّي المقام أربعة، مية، يبقى لازم نضرب في خمسة وعشرين. وبما إننا ضربنا المقام في خمسة وعشرين، يبقى هنضرب البسط في خمسة وعشرين؛ عشان نحافظ على نفس القيمة.

فلمّا نضرب أربعة في خمسة وعشرين في المقام هتبقى بتساوي مية، وأمّا البسط هنضرب تلاتة في خمسة وعشرين واللي هتساوي خمسة وسبعين؛ فكده قدرنا نكتب كسر مقامه مية، واللي هو خمسة وسبعين على مية. وخمسة وسبعين على مية نقدر نكتبها في صورة نسبة مئوية، واللي هتبقى خمسة وسبعين في المية بالشكل ده؛ وبالتالي هتبقى النسبة المئوية اللي بتمثّل الأجزاء الملوّنة من الشكل هي خمسة وسبعين في المية.

Nagwa uses cookies to ensure you get the best experience on our website. Learn more about our Privacy Policy.