فيديو السؤال: تحديد جمل الطرح المناسبة مع النماذج البصرية المعطاة للكسور الرياضيات

أيٌّ من عمليات الطرح التالية تمثِّل الصورة الموضحة؟ [أ] ٤/٣ − ٣/٢ = ٧/٢ [ب] ٣/٢ − ٢/١ = ٦/١ [ج] ٢/١ − ٣/١ = ٦/١ [د] ٣/٢ − ٢/١ = ٦/١ [ﻫ] ٣/٢ − ٢/١ = ٥/١

٠٢:٢١

‏نسخة الفيديو النصية

أي من عمليات الطرح التالية تمثّل الصورة الموضَّحة؟

الاختيار الأول: تلاتة على أربعة، ناقص اتنين على تلاتة، يساوي اتنين على سبعة. الاختيار التاني: اتنين على تلاتة، ناقص نُص، يساوي واحد على ستة. الاختيار التالت: نُص ناقص تِلت يساوي سدس. الاختيار الرابع: اتنين على تلاتة، ناقص نُص، يساوي سُدس. الاختيار الخامس: اتنين على تلاتة، ناقص نُص، يساوي خُمس.

لمّا بنحب نعبّر عن الأجزاء من الكل، أو عدد معيّن من مجموعة على شكل كسر، بنعمل إيه؟ بنكتب عدد الأجزاء الملوّنة في البسط؛ أمّا المقام، فبيبقى عدد الأجزاء الكلية اللي بيتكوّن منها الشكل اللي عندنا. لو ابتدينا نطبّق الفكرة دي على الصورة اللي قدامنا، هنشوف أول … لو جينا نطبّق ده على أول نموذج قدامنا، هنلاقي إنه بيتكوّن من تلات أجزاء متساوية. فيه جزئين ملوّنين من التلات أجزاء دول، يعني إحنا عايزين نعبّر عن جزئين من تلات أجزاء متساوية؛ فهيبقى البسط هيبقى فيه اتنين، اللي هو عدد الأجزاء الملونة؛ أمّا المقام، فهيبقى فيه عدد الأجزاء الكلية، اللي هو تلاتة؛ يبقى النموذج اللي فوق، إحنا هنعبّر عن الأجزاء الملوّنة اللي فيه بالكسر اتنين على تلاتة.

أمّا النموذج التاني اللي عندنا، فبيتكوّن من جزئين متساويين. فيه جزء واحد منهم ملوّن، يبقى عشان نكتب الكسر اللي هيعبّر عن الجزء الملوّن في النموذج اللي قدامنا؛ البسط بتاعه عبارة عن عدد الأجزاء الملوّنة، اللي هو واحد؛ أمّا المقام، عبارة عن عدد الأجزاء الكلية اللي بيتكوّن منها النموذج، اللي هو اتنين. يبقى الكسر اللي هيعبّر عن الجزء الملوّن في النموذج اللي قدامنا ده، هو واحد على اتنين.

أمّا لو بصّينا على النموذج الأخير اللي قدامنا ده، عايزين نشوف هو بيتكوّن من كام جزء؛ واحد، اتنين، تلاتة، أربعة، خمسة، ستة؛ هنلاقيه بيتكوّن من ست أجزاء متساوية، وعندنا جزء واحد ملوّن من الأجزاء الستة؛ يبقى الكسر اللي هيعبّر عن الجزء الملوّن في النموذج اللي قدامنا، هو واحد على ستة؛ بالتالي يبقى النماذج اللي قدامنا في الصورة دي بتمثّل عملية الطرح دي: اتنين على تلاتة، ناقص واحد على اتنين؛ وناتج الطرح هو واحد على ستة، ويبقى هي دي عملية الطرح اللي بتمثّلها الصورة الموضَّحة أمامنا.

Nagwa uses cookies to ensure you get the best experience on our website. Learn more about our Privacy Policy.