فيديو: إيجاد قيمة المقادير العددية التي تتضمَّن ترتيب العمليات

أوجد قيمة (٢ + ٢) × ٢ + ٢ ÷ ٢

٠١:٣٦

‏نسخة الفيديو النصية

اوجد قيمة اتنين زائد اتنين، في اتنين، زائد اتنين على اتنين.

عشان نحل هذه المسألة، لا بد أولًا أن نعرف أولويات العمليات الحسابية. وبتكون أولويات العمليات الحسابية، أول أولوية لما بين الأقواس. وبعد كده الأسس. وبعد كده الضرب والقسمة. وآخر حاجة الجمع والطرح. فبتطبيق هذا الكلام على المسألة عندنا، فإن الأولوية الأولى ستكون لما بين الأقواس. هنعمل العملية اللي بين الأقواس، اللي هي اتنين زائد اتنين، ودي هتساوي أربعة. وهتصبح بتساوي أربعة في اتنين، زائد اتنين على اتنين.

وبكده نكون عملنا ما بين الأقواس. الأسس، ما عندناش أسس. هتبقى الأولوية بعد كده للضرب والقسمة. عندنا عملية ضرب هنعملها، وعملية قسمة. نعملهم أولًا، ثم نقوم بعد ذلك بعملية الجمع.

العملية أربعة في اتنين تساوي تمنية. ثم العملية اتنين على اتنين هتساوي واحد. ونحطّ الإشارة ما بينهم، اللي هي إشارة الجمع. وهيكون الناتج عندنا بيساوي تمنية زائد واحد، وهتساوي تسعة. وهتكون قيمة اتنين زائد اتنين، في اتنين، زائد اتنين على اتنين؛ بتساوي تسعة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.