فيديو السؤال: التحقُّق من الصورة العشرية لعدد أسي الرياضيات

هل العملية التالية صحيحة: ٦^٣ = ٢ × ٢ × ٢ × ٣ × ٣ × ٣؟

٠١:١٦

‏نسخة الفيديو النصية

هل العملية التالية صحيحة: ستة أُس تلاتة يساوي اتنين في اتنين في اتنين في تلاتة في تلاتة في تلاتة؟

يعني عايزين نشوف إذا كان ستة أُس تلاتة بتساوي المقدار ده ولا لأ. وفي الأول خلينا نشوف ستة أُس تلاتة معناها إيه؛ فعندنا العدد ستة مرفوع للأس تلاتة، فمعنى كده إن هيبقى بيساوي ستة في ستة في ستة، ولو جينا نحلّل كل عدد عندنا إلى عوامله الأولية، فهنلاحظ إن ستة هي حاصل ضرب اتنين في تلاتة؛ فمعنى كده إن ستة في ستة في ستة بتساوي اتنين في تلاتة في اتنين في تلاتة في اتنين في تلاتة. وبما إن المقدر كله عبارة عن عمليات ضرب، فلو غيرنا الترتيب مش هنغير حاجة من قيمة المقدار، فيبقى المقدار بيساوي … هنجمّع الاتنينات جنب بعض فهيبقى اتنين في اتنين في اتنين، في تلاتة في تلاتة في تلاتة؛ فمن هنا بنستنتج إن ستة أُس تلاتة بتساوي اتنين في اتنين في اتنين في تلاتة في تلاتة في تلاتة.

فبالتالي هتبقى إجابة السؤال: «هل العملية التالية صحيحة؟» هي نعم.

Nagwa uses cookies to ensure you get the best experience on our website. Learn more about our Privacy Policy.