فيديو: حل المسائل الكلامية التي تتضمَّن طرح الكسور ذات المقامات المتشابهة

لإعداد مشروبها الصباحي، قامت يارا بخلط ١٠/١ كوب من عصير الجزر مع ١٠/٩ كوب من عصير البرتقال. ما عدد أكواب عصير البرتقال الزائدة على عدد أكواب عصير الجزر التي استخدمتها يارا؟

٠١:٤٠

‏نسخة الفيديو النصية

لإعداد مشروبها الصباحي، قامت يارا بخلط واحد على عشرة كوب من عصير الجزر مع تسعة على عشرة كوب من عصير البرتقال. ما عدد أكواب عصير البرتقال الزائدة على عدد أكواب عصير الجزر التي استخدمتها يارا؟

علشان نوجد عدد أكواب عصير البرتقال الزايدة على عدد أكواب عصير الجزر، هنطرح واحد على عشرة من تسعة على عشرة. فهيبقى عدد أكواب عصير البرتقال الزائدة على عدد أكواب عصير الجزر يساوي تسعة على عشرة ناقص واحد على عشرة.

بالنسبة للكسرين تسعة على عشرة وواحد على عشرة، هنلاحظ إن ليهم نفس المقام، اللي هو عشرة. يعني الكسرين اللي عندنا المقامين بتوعهم متشابهين. فلمّا هنطرح الكسرين، بَسْط الكسر الناتج هيساوي بَسْط الكسر الأول ناقص بَسْط الكسر التاني. أمَّا مقام الكسر الناتج، فهيبقى نفس مقام الكسرين. يعني هيبقى تسعة على عشرة ناقص واحد على عشرة يساوي تسعة ناقص واحد، على عشرة. وبما إن تسعة ناقص واحد يساوي تمنية، فهيبقى عدد أكواب عصير البرتقال الزائدة على عدد أكواب عصير الجزر يساوي تمنية على عشرة.

الخطوة اللي بعد كده، إن إحنا هنكتب الكسر تمنية على عشرة في أبسط صورة. فهنقسم كلّ من البسط والمقام بتوعه عَ العامل المشترك الأكبر ليهم، اللي هو اتنين. فلمّا هنقسم كلًّا من البسط والمقام بتاع الكسر تمنية على عشرة، على اتنين. هيبقى عدد أكواب عصير البرتقال الزائدة على عدد أكواب عصير الجزر يساوي أربعة على خمسة.

بكده يبقى إحنا وصلنا إن عدد أكواب عصير البرتقال الزائدة على عدد أكواب عصير الجزر هو أربعة على خمسة كوب. وهو ده المطلوب.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.