فيديو السؤال: مقارنة كسور عدد صحيح الرياضيات

أكمل.

٠٢:١١

‏نسخة الفيديو النصية

أكمل: عندنا شكلين عبارة عن دايرتين، كل دايرة منهم مظلَّل أحد أجزاءها، ومطلوب مننا نقارن مساحة الجزء المظلل في الدايرتين، ونشوف يا ترى فيه واحد أكبر من التاني ولّا متساويين.

إحنا عارفين إن مساحة الجزء الملوّن من أيّ شكل، نقدر نمثّلها بصورة كسر، الكسر ده البسط بتاعه بيبقى عدد الأجزاء الملونة اللي في الشكل، على عدد الأجزاء الكلية اللي بيتكون منها الشكل.

يبقى لو جينا نشوف الكسر، اللي بيمثل الجزء الملوّن في الدايرة الأولى، خلّينا نشوف فيه كام جزء ملوّن في الدايرة دي. هنلاقي إن فيه جزء واحد بس ملوّن جوّه الدائرة؛ يبقى البسط بتاع الكسر هيبقى واحد. أمّا عدد الأجزاء الكلية، اللي بيتكوّن منها الشكل، فلو عدّيناهم هنلاقيهم تلات أجزاء؛ فمعناها إن المقام بتاع الكسر هيبقى تلاتة. يبقى الجزء الملوّن في الشكل الأول نقدر نمثّله بالكسر واحد على تلاتة.

دلوقتي هنشوف الشكل التاني، وهنستخدم نفس الطريقة عشان نعبر عن الجزء الملون في الشكل. هنشوف كام جزء ملوّن في الشكل اللي عندنا، هنلاقي إن فيه جزء واحد بس ملوّن؛ يبقى البسط بتاع الكسر هيبقى واحد. أمّا المقام فهو عدد الأجزاء الكلية اللي بيتكوّن منها الشكل، ولو عدّيناهم هيطلعوا أربع أجزاء؛ يبقى المقام بتاع الكسر هيبقى أربعة.

لمّا بنيجي نقارن كسور الوحدة، دايمًا البسط بيبقى واحد، فدايمًا بنقارن المقامات. كل ما المقام بيبقى أكبر، كل ما الكسر قيمته بتبقى أقل؛ يعني في الحالة دي المقام، اللي هو أربعة، بيمثل كسر أقل من الكسر اللي مقامه تلاتة. الجزء الملوّن اللي فيه أقل من الجزء الملوّن في الشكل الأول. وأصلًا بمجرد مقارنة الشكلين؛ هنلاحظ فعلًا إن الجزء الملوّن في الشكل الأول أكبر من الجزء الملوّن في الشكل التاني.

Nagwa uses cookies to ensure you get the best experience on our website. Learn more about our Privacy Policy.