فيديو السؤال: كتابة المعادلات الخطية ذات الخطوة الواحدة وحلها في السياقات الحياتية الرياضيات

يدَّخر جمال مالًا لشراء هدية تكلفتها ٧١ جنيهًا. إذا ادَّخر ٥٤ جنيهًا، فاكتب معادلة تُمثِّل مقدار المال المتبقي الذي يجب ادخاره وحُلَّ هذه المعادلة.

٠١:٥٠

‏نسخة الفيديو النصية

يدخر جمال مالًا لشراء هدية تكلفتها واحد وسبعين جنيهًا. إذا ادّخر أربعة وخمسين جنيهًا فاكتب معادلة تمثّل مقدار المال المتبقي الذي يجب ادّخاره، وحل هذه المعادلة.

يبقى عندنا هدية مقدارها أو سعرها واحد وسبعين جنيهًا، وجمال قدر يدّخر من التكلفة دي أربعة وخمسين جنيهًا، محتاجين نعرف يبقى باقي له قد إيه عشان يقدر يوصل لسعر الهدية.

لو افترضنا إن س هو مقدار المال المتبقي اللي المفروض جمال لسّه يدّخره عشان يقدر يوصل لسعر الهدية؛ فنقدر نقول إن الفلوس اللي معاه دلوقتي اللي هي أربعة وخمسين لو كمّل وادّخر عليها مقدار س من الجنيهات، هيبقى كده قدر يوصل لسعر الهدية اللي هو واحد وسبعين جنيهًا؛ ويبقى ده أول مطلوب، وهو المعادلة اللي بتمثّل مقدار المال المتبقّي اللي يجب عليه ادّخاره حتى يستطيع شراء الهدية.

المطلوب التاني إن إحنا نحل المعادلة دي، ونوجد قيمة س أو مقدار المال المتبقي اللي المفروض يحوشه عشان يقدر يشتري الهدية دي.

عشان نقدر نوجد قيمة س محتاجين نخلّي س في طرف لوحدها، فهنطرج أربعة وخمسين من طرفَي المعادلة؛ على الطرف الأيمن هنلاقي إن أربعة وخمسين ناقص أربعة وخمسين هيساوي صفر، ويبقى كده الطرف الأيمن بقى فيه المتغير س فقط، أما الطرف الأيسر فهيبقى عبارة عن ناتج طرح واحد وسبعين ناقص أربعة وخمسين، اللي هو هيبقى سبعتاشر؛ يبقى كده قدرنا نحل المعادلة ونوجد قيمة س اللي هي بتساوي سبعتاشر؛ يعني مقدار المال المتبقي هيبقى سبعتاشر جنيهًا.

Nagwa uses cookies to ensure you get the best experience on our website. Learn more about our Privacy Policy.