فيديو: إيجاد المجموعة الجزئية لفضاء عينة تُمثِّل حدثًا لإلقاء عملة معدنية

غادة عليوة

أُلقيت عملة معدنية ثلاث مرات متتالية. أيٌّ من التالي يُمثِّل ظهور صورة في الرمية الأولى؟ [أ] أ = {(ص، ص‎، ص‎)، (ص، ص‎، ﻙ)، (ص، ﻙ، ص)، (ص ، ﻙ، ﻙ)} [ب] أ = {(ﻙ، ص‎، ص)، (ﻙ، ص‎، ﻙ)، (ﻙ، ﻙ، ص)، (ﻙ ، ﻙ، ﻙ)} [ج] أ = {(ص ، ص، ص)} [د] أ = {(ص، ص‎، ص‎)، (ص، ص، ﻙ‎)، (ص ، ﻙ، ص)}.

٠٢:٠٩

‏نسخة الفيديو النصية

أُلقِيَت عملة معدنية ثلاث مرات متتالية، أي من التالي يمثل ظهور صورة في الرمية الأولى؟

هنبتدي نشوف التجربة دي، العملة المعدنية لما نرميها رمية واحدة بس، فعندنا احتمالين يا يظهر عليها وجه صورة أو يظهر وجه كتابة.

دلوقتي محتاجين نشوف الرمية التانية، دلوقتي هنشوف إيه اللي منتظرينه في الرمية التانية، بس بشرط إن يكون ظهر في الرمية الأولى صورة، يبقى بعد ما ظهر صورة في الرمية الأولى الاحتمالات اللي ممكن تطلعلنا برضو يا إما كتابة يا إما صورة.

هنرمي الرمية التالتة فلو كان الرمية السابقة كانت كتابة فهيبقى مستنيين اللي هيظهر دلوقتي يا إما كتابة يا إما صورة، أما لو كانت الرمية التانية كانت صورة فممكن تطلع بعد كده برضو بنفس الطريقة كتابة أو صورة، كده لو حبينا نكتب كل الاحتمالات الممكنة اللي الرمية الأولى فيها كانت صورة، هنبتدي نكتب كده مع بعض، أول احتمال هو: صورة، كتابة، كتابة؛ يعني ظهور صورة في الرمية الأولى وكتابة في الرمية التانية وكتابة في الرمية التالتة، تاني احتمال هيبقى: ظهور الصورة في الرمية الأولى، كتابة في التانية، وصورة في التالتة، الاحتمال التالت هيبقى: ظهور صورة في الرمية الأولى، وصورة في التانية، وكتابة في التالتة، آخر احتمال هيبقى: ظهور صورة في الأولى، وصورة في التانية، وصورة في التالتة؛ يعني ظهور صورة على التوالي في الرميات التلاتة، يبقى بالتالي هي دي الإجابة الصحيحة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.