فيديو السؤال: تعريف زاوية الرأس الرياضيات

إذا كانت الزاويتان متقابلتين بالرأس، فإن لهما _.

٠١:٠٧

‏نسخة الفيديو النصية

إذا كانت الزاويتان متقابلتين بالرأس، فإن لهما نقط.

وخلينا في الأول نفتكر إن لو تقاطع مستقيمان، فالمستقيمان دول بيشكّلوا زوجين من الزوايا، وكل زاويتين متقابلتين بنسميهم زاويتين متقابلتين بالرأس، وبيبقى ليهم القياس نفسه؛ فمعنى كده إن الزاوية دي هيبقى قياسها بيساوي قياس الزاوية دي، وفي نفس الوقت قياس الزاوية دي هيبقى بيساوي قياس الزاوية دي. فلو جينا عند الزاويتين اللي باللون الأصفر اللي هم الزاويتين دول، هنلاحظ إن رأس الزاوية دي هي نقطة تقاطع المستقيمين، وفي نفس الوقت رأس الزاوية دي هي برضو نقطة تقاطع المستقيمين؛ فمعنى كده الزاويتين المتقابلتين بالرأس بيبقى ليهم نفس رأس الزاوية. ونفس الموضوع في الزاويتين دول، هيبقى ليهم نفس الرأس المشتركة اللي هي نقطة تقاطع المستقيمين.

وبالتالي إذا كانت الزاويتين متقابلتين بالرأس فإن لهما رأسًا مشتركًا، وهو ده اللي هنكتبه مكان النقط.

Nagwa uses cookies to ensure you get the best experience on our website. Learn more about our Privacy Policy.