فيديو السؤال: ترتيب الكسور ذات البسوط المتشابهة الرياضيات

أيٌّ من ١٤/١، ٥/١، ٢٠/١، ٤/١ الأكبر؟

٠٢:٤٩

‏نسخة الفيديو النصية

أيّ من: واحد على أربعتاشر، واحد على خمسة، واحد على عشرين، واحد على أربعة؛ الأكبر؟

عندنا الأربع كسور دول، وعايزين نعرف أيّ كسر فيهم هو الكبير. فلو جينا نبص على الأربع كسور دول، هنلاقيهم كلهم ليهم نفس العدد اللي فوق: واحد، واحد، واحد، واحد. فعلشان نقارن ما بينهم؛ هنبصّ على الأعداد اللي تحت عشان هي اللي مختلفة؛ أربعتاشر، خمسة، عشرين، أربعة. نكتبهم تاني كده: أربعتاشر، خمسة، عشرين، أربعة.

عاوزين نعرف أيّ كسر من الكسور اللي عندنا هو الكبير. فهنقارن بين الأعداد دي؛ اللي هي موجودة تحت شرطة الكسر، ونحاول نشوف مين أصغر عدد فيهم. أصغر عدد فيهم هو هيكون صاحب أكبر كسر. فإحنا عندنا هنا أربعتاشر، وخمسة، وعشرين، وأربعة. أصغر عدد هنا هو الإيه؟ الأربعة. طب الأربعة دي كسرها إيه؟ هو ده؛ اللي هو واحد على أربعة. فده معناه إن أصغر … آسفة، أكبر كسر موجود هو واحد على أربعة؛ لأنه بيحتوي تحت على الأربعة، وهي أصغر عدد.

تاني، يبقى لو هنقارن بين الكسور، باستخدام الأعداد اللي موجودة تحت؛ أصغر عدد بيمثّل أكبر كسر. بصوا هنكتبها إزاي؛ أصغر عدد هو أو بيساوي أكبر كسر، وأكبر عدد بيساوي أصغر كسر. إحنا عندنا هنا أكبر عدد هو العشرين، فده معناه إن واحد على عشرين دي هو أصغر كسر. طب وأصغر عدد هو الإيه؟ الأربعة. فده معناه إن واحد على أربعة هو أكبر كسر.

وطبعًا لازم نلاحظ ونركّز، وناخد بالنا إن الأعداد اللي إحنا بنتكلم عليها دي لازم تكون موجودة تحت أو أسفل شرطة الكسر، الكسر.

لمّا نبص على الأعداد اللي تحت شرطة الكسر، بنشوف، أصغر عدد هو اللي بيدّينا أكبر كسر، وأكبر عدد هو اللي بيدّينا أصغر كسر. فإحنا لمّا بصينا على الأعداد اللي عندنا، لقينا أصغر عدد هو الأربعة؛ يبقى أكبر كسر هو الربع.

Nagwa uses cookies to ensure you get the best experience on our website. Learn more about our Privacy Policy.