فيديو السؤال: المقارنة بين أوزان الأجسام الرياضيات

ما الأثقل وزنًا؟ [أ] الجزرة [ب] الوردة [ج] الشجرة

٠١:٥٨

‏نسخة الفيديو النصية

ما الأثقل وزنًا؟ أ: الجزرة. ب: الوردة. ج: الشجرة.

عاوزين نعرف إيه هو أتقل اختيار من التلات اختيارات اللي قدامنا. الجزرة ولًا الوردة ولا الشجرة. لما بنيجي نقول على حاجة إن هي الأثقل وزنًا؛ فده معناه إن هي بتكون أكبر في الوزن من حاجات تانية. زي مثلًا الريشة والعجَلة. الريشة خفيفة خالص، لكن العجلة تقيلة. فمن هنا بنقول إن العجلة أثقل وزنًا.

ففي السؤال ده إحنا عاوزين نعرف إيه هو أثقل وزن في التلات حاجات اللي قدامنا، الجزرة ولا الوردة ولا الشجرة. تعالوا بينا نفكر. أو هيا نفكر. لو كريم حاول يشيل الجزرة في إيده، هيقدر يشيلها بسهولة ولّا هيلاقيها صعبة؟ أكيد هيقدر يشيلها بسهولة، زي ما هو شالها في الصورة قدامنا كده. فده معناه إن الجزرة مش تقيلة أوي. طيب ولو حاول يشيل الوردة؟ برضو هيقدر يشيلها بسهولة. ده كمان هيلاقي إن الوردة أخفّ من الجزرة. فده معناه إن الوردة خفيفة والجزرة أتقل منها.

طيب تعالوا بقى نفكر في تالت اختيار عندنا، اللي هو الشجرة. هل ممكن إن كريم يقدر يشيل الشجرة؟ صعب جدًّا إنه يشيلها، لكن ممكن يقف جنبها. ويبقى أصغر منها كمان، زي الصورة كده بالظبط. فده معناه إن الأثقل وزنًا هي الشجرة. وهي دي الإجابة الصح.

Nagwa uses cookies to ensure you get the best experience on our website. Learn more about our Privacy Policy.