فيديو: فهم الضرب والجمع المتكرِّر

اختر الشبكة المصفوفة التي توضِّح العناصر ٣ + ٣ + ٣ + ٣. [أ] الشكل ١ [ب] الشكل ٢ [ج] الشكل ٣ [د] الشكل ٤. اختر مقدار الضرب الذي يطابق هذه الشبكة المصفوفة. [أ] ٣ × ٣ [ب] ٤ + ٣ + ٣ [ج] ٤ + ٣ × ٣ [د] ٤ × ٣

٠٢:٥١

‏نسخة الفيديو النصية

اختر الشبكة المصفوفة التي توضح العناصر: تلاتة زائد تلاتة زائد تلاتة زائد تلاتة.

عندنا أربع شبكات مصفوفة قدامنا في الاختيارات. عاوزين نعرف أيّ شبكة فيهم هي اللي بتوضح: تلاتة زائد تلاتة زائد تلاتة زائد تلاتة. هم كام تلاتة عندنا؟ واحد اتنين تلاتة أربعة. أربع تلاتات. لو جينا نشوف أول اختيار، هنلاقي في أول صف فيه إيه؟ واحد اتنين تلاتة أربعة. أربع دواير. طيب يعني هنا أربعة زائد أربعة زائد أربعة زائد أربعة. مش هو السؤال اللي عندنا. فكده أول اختيار مش هو اللي صح.

طب نشوف كده تاني اختيار. واحد اتنين تلاتة أربعة خمسة ستة سبعة. سبعة زائد سبعة. برضو مش هو الاختيار الصح. إحنا عاوزين أربع تلاتات.

طب نشوف كده الاختيار اللي بعده. واحد اتنين تلاتة. تمام دول تلاتة أهُم: تلاتة زائد تلاتة زائد تلاتة. دول تلات تلاتات بس. إحنا محتاجين أربعة. فبرضو مش هو الاختيار الصح.

نشوف آخر اختيار. واحد اتنين تلاتة. دول تلاتة، زائد تلاتة زائد تلاتة زائد تلاتة. آه، هو ده الاختيار الصح؛ عشان هنا جمعنا أربع تلاتات. واحد اتنين تلاتة أربعة. يبقى هي دي الشبكة المصفوفة اللي إحنا المفروض نختارها. ده بالنسبة لأول جزء من السؤال.

الجزء التاني: اختر مقدار الضرب الذي يطابق هذه الشبكة المصفوفة.

شفتم الشبكة المصفوفة اللي إحنا اخترناها؟ عاوزين نشوف بقى أيّ مقدار ضرب من المقادير اللي قدامنا دول، هم اللي بيمثلوا الشبكة المصفوفة. طيب إحنا عاوزين مقدار ضرب، فده معناه إن الاختيار ده مش هينفع نختاره. لأن ده مقادير مجموعة، مش مضروبة. وهنا برضو فيه «زائد»، فبرضو الاختيار ده مش هنختاره. كده ناقص لنا إيه؟ يا تلاتة في تلاتة، يا أربعة في تلاتة.

طيب هي الشبكة المصفوفة دي كانت عبارة عن إيه؟ تلاتة زائد تلاتة زائد تلاتة زائد تلاتة. كام تلاتة عندنا؟ أربع تلاتات. أربعة أهو عددهم. وهم إيه؟ تلاتات. فده معناه إن مقدار الضرب اللي بيمثل الشبكة المصفوفة هو: أربعة في تلاتة. الأربعة عدد التلاتات اللي عندنا، واحد اتنين تلاتة أربعة. والتلاتة اللي هي أصلًا عدد الدواير اللي موجودة في الصف الإيه؟ الواحد. وبكده نكون جاوبنا على تاني جزء من السؤال، واللي إجابته أربعة في تلاتة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.