فيديو السؤال: تمييز الأحداث المؤكدة الرياضيات

حدِّد هل العبارة الآتية مؤكدة، أو ممكنة، أو مستحيلة: المكعب له ستة أوجه.

٠١:٣٨

‏نسخة الفيديو النصية

حدّد هل العبارة الآتية مؤكَّدة أو ممكنة أو مستحيلة: المكعب له ستة أوجه.

عاوزين نعرف هل مقولة أو العبارة اللي قدامنا اللي بتقول لنا إن المكعب له ستة أوجه أو ست أوجه، دي إيه: مؤكدة، عبارة مؤكدة، ولا عبارة ممكنة؛ يعني يا صح يا غلط، ولا مستحيلة؛ يعني غلط؟ طبعًا إحنا عارفين شكل المكعب، ومن الحاجات اللي في حياتنا اللي واخدة شكل مكعب هو حجر النرد، فالصورة اللي قدامنا دي بتورينا حجر نرد من الناحيتين، مصورينه من قدام ومن ورا. طيب لو فرضنا إن حجر النرد ده مكعب وهو واخد شكل المكعب، له كام وجه؟ آدي وجه، اتنين، تلاتة، أربعة، خمسة، ستة؛ له ست أوجه، تلاتة بنكون شايفينهم، وتلاتة بيكونوا في ضهرهم. طيب يبقى ده معناه إن المكعب له كام وجه؟ ستة، طب عمرنا شُفنا مكعب له خمس أوجه؟ لأ طبعًا استحالة، عمرنا شُفنا مكعب مالوش ولا وجه؟ لأ برضو، عمرنا شُفنا مكعب له عشر أوجه؟ لأ هم ستة، ما ينفعش يزيدوا، وما ينفعش يقلوا؛ فمعنى كده إن العبارة دي إيه؟ عبارة مؤكدة؛ يبقى الإجابة عندنا هنا: «مؤكَّدة».

Nagwa uses cookies to ensure you get the best experience on our website. Learn more about our Privacy Policy.