فيديو: استخدام الجمع المتكرِّر لإيجاد عدد العناصر في مصفوفة

آدم يَعُدُّ العناصر في شبكة مصفوفة، ويكتب عبارة الجمع ٣ + ٣ + ٣ + ٣ = ١٢. أيُّ شبكة مصفوفة كان ينظر إليها؟ [أ] شكل أ [ب] شكل ب [ج] شكل ﺟ [د] شكل د [ﻫ] شكل ﻫ

٠٢:٢٨

‏نسخة الفيديو النصية

آدم يَعُدّ العناصر في شبكة مصفوفة. ويكتب عبارة الجمع: تلاتة زائد تلاتة، زائد تلاتة، زائد تلاتة، تساوي اتناشر. أيّ شبكة مصفوفة كان ينظر إليها؟

فيه ولد اسمه آدم كان بيعدّ عناصر في شبكة مصفوفة. فعدّهم بالشكل ده: تلاتة زائد تلاتة، زائد تلاتة، زائد تلاتة، يساوي اتناشر. عدّ كام تلاتة هنا؟ واحد، اتنين، تلاتة، أربعة. عدّ أربع تلاتات. لمّا جمّعهم، بقى الناتج اتناشر. أيّ شبكة مصفوفة مِ الشبكات اللي قدامنا دي، هو اللي كان بيعدّ فيها آدم؟

لو جينا نبصّ على أول شبكة، هنلاقي الصف الأول في إيه؟ واحد، اتنين، تلاتة، أربعة، خمسة، ستة. ست عناصر، وهم صفّين. فده معناه إن الشبكة الأولى دي بتمثّل لنا ستة زائد ستة تساوي اتناشر. لأن الستة متكررة مرتين، في الصفين. وده مش هو اللي كان آدم بيعدّه. فمعنى كده إن الاختيار الأول ده مش هو اللي صح.

نشوف الاختيار اللي بعده. عندنا في الصف الأول أربع عناصر. وهم كام صف؟ واحد، اتنين، تلاتة، أربعة. فده معناه إيه؟ إن الشبكة بتمثّل لنا أربعة زائد أربعة، زائد أربعة، زائد أربعة. أربعة مجموعة أربع مرات. وبرضو مش هي الإجابة الصح. إحنا بندوّر على تلاتة مجموعة أربع مرات.

نيجي للاختيار اللي بعده. الصف الأول فيه تلاتة. وهم واحد، اتنين، تلاتة؛ تلات صفوف. ده معناه إن هم تلاتة مجموعين تلات مرات. يعني تلاتة زائد تلاتة زائد تلاتة، بتساوي تسعة. فمش هي الإجابة الصح.

ونشوف الاختيار اللي بعدها. الصف الأول فيه ست عناصر. وهم كام صف؟ واحد، اتنين، تلاتة؛ وهم تلات صفوف. فده معناه إن هي عبارة عن ستة زائد ستة زائد ستة. ستة مجموعة على نفسها تلات مرات، وبتساوي تمنتاشر. يبقى برضو مش هي الاختيار الصح.

نيجي لآخر اختيار. الصف الأول فيه تلات عناصر. وهم كام صف؟ واحد، اتنين، تلاتة، أربعة. ده معناه إن هي تلاتة مجموعة أربع مرات، بتساوي اتناشر. وهو ده اللي آدم كان بيعدّه. فتبقى هي دي الاختيار الصح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.