فيديو: إيجاد الأزواج المرتبة باستخدام المستويات الإحداثية

أي من الأزواج المرتبة تمثل نقطة تقع بداخل المثلث والمعين؟ [أ] (٤، ٣) [ب] (٦، ٥) [ج] (٥، ٦) [د] (٢، ٢) [ﻫ] (٣، ٤)

٠٢:١٥

‏نسخة الفيديو النصية

أي من الأزواج المرتبة تمثّل نقطة تقع بداخل المثلث والمعيّن؟ أ: أربعة وتلاتة. ب: ستة وخمسة. ج: خمسة وستة. وَ د: اتنين واتنين. وَ ﻫ: تلاتة وأربعة.

عايزين نختار زوج مرتب واحد من الخمسة اللي عندنا دول، ويكون بيمثّل نقطة موجودة داخل المثلث وداخل المعيّن في نفس الوقت. أيّ زوج مرتب بيكون عبارة عن س وَ ص. يعني مشينا قد إيه على محور السينات، ومشينا قد إيه على محور الصادات.

عندنا الزوج المرتب اللي موجود في أول اختيار. هنشوف دلوقتي هو موجود فين على الشبكة الإحداثية. أول اختيار هو أربعة وتلاتة. يعني أربعة على محور السينات، وبعدين تلاتة على محور الصادات. هنوصلهم ببعض، هتكون النقطة موجودة هنا. والنقطة دي هنلاقي إنها مش موجودة داخل المثلث والمعيّن مع بعض؛ وبالتالي مش هتكون النقطة اللي هنختارها.

تاني زوج مرتب عندنا اللي هو ستة وخمسة. ستة على محور السينات، وخمسة على محور الصادات. هنوصلهم ببعض ونشوف النقطة دي موجودة فين. هنلاقي إن النقطة دي موجودة داخل المثلث فقط، ولكن مش موجودة داخل المعيّن كمان. وبالتالي مش هي دي هتكون النقطة اللي هنختارها برضو.

أما الزوج المرتّب اللي بعده، اللي هو خمسة وستة. يعني خمسة على محور السينات، وستة على محور الصادات. هنشوف النقطة دي هتكون فين. كمان النقطة دي هنلاقيها داخل المثلث فقط. وبكده مش هنختار الاختيار ج.

والزوج المرتب اتنين واتنين. يعني اتنين على محور السينات واتنين على محور الصادات. كمان الزوج المرتّب ده هيكون إجابة خاطئة؛ لأن النقطة موجودة داخل المعيّن فقط.

والزوج المرتب تلاتة وأربعة. يعني تلاتة على محور السينات، وأربعة على محور الصادات. هنوصلهم ببعض ونشوف همّ موجودين فين. هنلاقي إن النقطة دي موجودة داخل المثلث وداخل المعيّن في نفس الوقت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.