نسخة الفيديو النصية
تريد فريدة تغيير موقع مكتبها الذي على شكل مثلث قائم الزاوية. إذا حركته فقط بالانتقال فهل سيكون موقعه مضبوطًا بالنسبة لإحدى الزاويا الأخرى بالغرفة؟
الإزاحة بتحرّك الشكل اللي عندنا بنفس وضعه بس في اتجاه مختلف؛ يعني ممكن نعمل إزاحة لأعلى زي الاتجاه اللي مرسوم ده، ويصبح مكان المكتب اللي على شكل مثلث في الركن الأعلى للغرفة بالشكل اللي قدامنا ده، مش هيبقى مظبوط بالظبط على شكل الزاوية.
ولو جينا نحرّكه في اتجاه أفقي جهة اليمين، فهنلاقي إنه أصبح في الوضع اللي قدامنا ده، برضو مش مظبوط على الزاوية اللي في اليمين بتاعة الغرفة، ولو جينا نحرّكه مرة أخرى في اتّجاه قُطري عشان نوصل بيه للزاوية اللي في أعلى اليمين في الغرفة، هنلاقي إن برضو موقعه مش مظبوط بالظبط بالنسبة للزاوية اللي في الغرفة.
يبقى الإجابة هتبقى لا، مش ممكن نستخدم الانتقال فقط عشان ننقل المكتب، بحيث إن هو يكون مناسب لأحد الزوايا الأخرى بالغرفة.
