فيديو السؤال: حل المسائل الكلامية التي تتضمن طرح عددين مكوَّنين من أكثر من رقم الرياضيات

زار ٤٤٤١٢ سائحًا أسوان في أحد الشهور، بينما زارها ٨٨٤٦٥ سائحًا في شهر آخَر. ما الفرق بين عدد السياح الزائرين خلال هذين الشهرين؟

٠١:٣٤

‏نسخة الفيديو النصية

زار أربعة وأربعين ألف ربعمية واتناشر سائحًا أسوان في أحد الشهور، بينما زارها تمنية وتمانين ألف ربعمية خمسة وستين سائحًا في شهر آخر. ما الفرق بين عدد السياح الزائرين خلال هذين الشهرين؟

دلوقتي مطلوب مننا نوجد الفرق. الفرق بين عدد السياح اللي زار أسوان في شهر، والعدد اللي زارها في شهر آخر. كلمة الفرق دي معناها إن إحنا بنشوف أي عدد منهم الأكبر ونطرح منه العدد التاني؛ فكده بنعرف الفرق بينهم.

فيبقى كده الفرق بين عدد السياح اللي زاروا أسوان خلال الشهرين، هيساوي تمنية وتمانين ألف ربعمية خمسة وستين، ناقص أربعة وأربعين ألف ربعمية واتناشر.

دلوقتي هنبدأ نجري عملية الطرح. بنبدأ نطرح الآحاد من الآحاد؛ خمسة ناقص اتنين هيساوي تلاتة. وبعدين العشرات؛ ستة ناقص واحد هيساوي خمسة. وبعدين المئات؛ أربعة ناقص أربعة هيساوي صفر. وبعدين الألوف؛ تمنية ناقص أربعة هيساوي أربعة. وبعدين عشرات الألوف؛ تمنية ناقص أربعة هيساوي برضو أربعة.

يبقى كده وصلنا لناتج عملية الطرح، اللي هو أربعة وأربعين ألف تلاتة وخمسين. يعني الفرق بين عدد السياح اللي زاروا أسوان خلال الشهرين، هيبقى أربعة وأربعين ألف تلاتة وخمسين سائحًا.

Nagwa uses cookies to ensure you get the best experience on our website. Learn more about our Privacy Policy.