نسخة الفيديو النصية
أكمل: العدد، نقط، ليس موجبًا وليس سالبًا.
وخلينا في الأول نفتكر إننا لو هنمثل الأعداد على خط الأعداد، فهيبقى بالشكل ده. فبيبقى عندنا الأعداد اللي على يمين الصفر هي الأعداد الموجبة، زي واحد، اتنين، تلاتة، أربعة، خمسة، وهكذا. وأمّا الأعداد اللي على يسار الصفر بتبقى هي الأعداد السالبة، زي سالب واحد، وسالب اتنين، وسالب تلاتة، وسالب أربعة، وسالب خمسة، وهكذا.
وبالتالى هتبقى الأعداد الصحيحة اللي أكبر من صفر هي الأعداد الصحيحة الموجبة. وأمّا الأعداد الصحيحة اللي أقل من صفر هي الأعداد الصحيحة السالبة. وأمّا العدد صفر فهو بيعتبر عدد ليس موجبًا وليس سالبًا. وبالتالي هيبقى إجابة السؤال: العدد صفر ليس موجبًا وليس سالبًا؛ يبقى هنكتب مكان النقط، صفر.
