فيديو: إيجاد عبارات الطرح الملائمة باستخدام نموذج كسور مرئي

أيٌّ من التالي يصف الشكل الموضَّح؟ [أ] ٨/٥ − ٨/٣ = ٤/١ [ب] ٩/٥ + ٩/٣ = ٩/٨ [ج] ٩/٥ − ٩/٣ = ٩/٢ [د] ٨/٤ − ٨/٢ = ٤/١

٠٢:٠٠

‏نسخة الفيديو النصية

أيٌّ من التالي يصف الشكل الموضَّح؟ أ: خمسة على تمنية، ناقص تلاتة على تمنية، يساوي واحد على أربعة. ب: خمسة على تسعة، زائد تلاتة على تسعة، يساوي تمنية على تسعة. ج: خمسة على تسعة، ناقص تلاتة على تسعة، يساوي اتنين على تسعة. د: أربعة على تمنية، ناقص اتنين على تمنية، يساوي واحد على أربعة.

الشكل اللي قدامنا عبارة عن نموذج متقسّم إلى تمن أجزاء متساوية. مظلَّل منهم خمس أجزاء. يبقى الجزء المظلل ده نقدر نعبّر عنه بالكسر خمسة على تمنية. عشان عندنا خمس أجزاء ملوّنة من تمن أجزاء متساوية، أو من نموذج متقسّم لتمن أجزاء متساوية. أما علامة الإكس اللي موجودة على تلات أجزاء من الخمسة الملونين اللي عندنا، معناها إننا بنطرح تلات أجزاء من الخمسة اللي عندنا. التلات أجزاء اللي عايزين نطرحهم دول، لو عبّرنا عنهم بكسر، هيبقى عبارة عن تلاتة على تمنية. عشان هم تلات أجزاء من تمن أجزاء متساوية. وبالتالي فالرسم اللي قدامنا ده بيوضّح عملية طرح.

هنبدأ بالكسر خمسة على تمنية، وهنطرح منه تلاتة على تمنية. وهيصبح الناتج الجزئين الملونين اللي باقيين عندنا في الشكل دول. اللي كل واحد منهم بيمثّل واحد على تمنية. والاتنين مع بعض بيمثلوا اتنين على تمنية. فهيبقى ناتج طرح خمسة على تمنية، ناقص تلاتة على تمنية، هيساوي اتنين على تمنية.

والناتج ده هنقدر نبسّطه أكتر من كده؛ لأن ما زال فيه عامل مشترك بين البسط والمقام. يبقى هنقسم البسط والمقام على اتنين. فهيصبح الناتج الكسر واحد على أربعة. ويبقى الاختيار اللي هو «خمسة على تمنية، ناقص تلاتة على تمنية، يساوي واحد على أربعة»، هو ده اللي بيصِف الشكل الموضح.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.