فيديو: إيجاد قطر دائرة بمعلومية نصف قطرها

نق = ١٣٫٨ سم، أوجد طول أطول وتر فيها؟

٠٠:٥٩

‏نسخة الفيديو النصية

إذا كان طول نصف قطر دائرة يساوي تلاتشر وتمنية من عشرة سنتيمتر، أوجد طول أطول وتر فيها.

الأول عايزين نفهم إيه أطول وتر في الدائرة. أطول وتر في الدائرة هو قطر الدائرة، هو قطر الدائرة بيُعرّف على إنه وتر، وبيمُرّ بمركز الدائرة، وبيُعَد أطول وتر في الدائرة.

طب إزاي نقدر نوجد قطر الدائرة؟ قطر الدائرة هو ضعف نصف القطر، يعني لو ضربنا نصف القطر اللي عندها، اللي هو تلاتشر وتمنية من عشرة ده، في اتنين؛ هنحصل على قطر الدائرة، يعني هنحصل على أطول وتر فيها؛ طول أطول وتر فيها.

يبقى قطر الدائرة هيبقى حاصل ضرب اتنين في تلاتشر وتمنية من عشرة، اللي هو هيطلع سبعة وعشرين وستة من عشرة سنتيمتر. كده أوجدنا طول أطول وتر في الدائرة اللي هو قطر الدائرة.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.