فيديو: تحويل السعات من الكوارت إلى باينت

أكمل: ٢/١ ١٤٥ كوارت = _ باينت.

٠٢:١٩

‏نسخة الفيديو النصية

أكمل: مية وخمسة وأربعين، وواحد على اتنين كوارت يساوي كام باينت؟

عشان نحوّل كمية بالكوارت إلى ما يساويها بالباينت، محتاجين أول حاجة نعرف الكوارت الواحد بيساوي كام باينت. الكوارت الواحد بيساوي اتنين باينت. وبالتالي مية وخمسة وأربعين، وواحد على اتنين كوارت هيساوي اتنين في مية وخمسة وأربعين، وواحد على اتنين باينت.

ممكن نكتب العدد مية وخمسة وأربعين، وواحد على اتنين بالصورة العشرية. فهيبقى مية وخمسة وأربعين وخمسة من عشرة. بعد كده نضرب العددين بشكل رأسي. بس هنضرب العددين في الأول بدون العلامات العشرية. يعني هنضرب ألف وربعمية وخمسة وخمسين في اتنين.

أول حاجة نضرب الاتنين في الخمسة، ده هيساوي عشرة. فنكتب صفر في الناتج، ونضيف واحد فوق القيمة المكانية اللي بعد كده. بعدين نضرب اتنين في خمسة، ده هيساوي عشرة. ونضيف واحد، يعني هيساوي حداشر. فنكتب واحد في الناتج، ونضيف واحد فوق القيمة المكانية اللي بعد كده. بعد كده نضرب اتنين في أربعة، هيساوي تمنية. ونضيف ليها واحد، يعني هيساوي تسعة. فنكتب تسعة في الناتج. بعدين نضرب اتنين في واحد، هيساوي اتنين. فنكتب اتنين في الناتج. يبقى ألف وربعمية وخمسة وخمسين في اتنين بيساوي ألفين وتسعمية وعشرة.

بعد كده نرجع للأعداد الأصلية. العدد اتنين ما فيهوش علامات عشرية. والعدد مية وخمسة وأربعين وخمسة من عشرة فيه رقم واحد على يمين العلامة العشرية. فبالتالي هنعدّ رقم واحد من اليمين إلى اليسار في الناتج اللي وصلنا له، ونحطّ بعده العلامة العشرية. يبقى اتنين في مية وخمسة وأربعين وخمسة من عشرة هيساوي ميتين وواحد وتسعين.

وده معناه إن مية وخمسة وأربعين، وواحد على اتنين كوارت بيساوي ميتين وواحد وتسعين باينت.

تستخدم نجوى ملفات تعريف الارتباط لضمان حصولك على أفضل تجربة على موقعنا. معرفة المزيد حول سياسة الخصوصية لدينا.