فيديو السؤال: حساب الوسط لمجموعة بيانات في تمثيل بياني بالأعمدة المزدوجة الرياضيات

إذا كانت درجات الحرارة العظمى والصغرى في أبريل في بعض العواصم العالمية موضّحة في الرسم البياني التالي، فأوجد متوسط درجات الحرارة العظمى في القاهرة ولندن.

٠١:٠٢

‏نسخة الفيديو النصية

إذا كانت درجات الحرارة العظمى والصغرى في أبريل في بعض العواصم العالمية موضّحة في الرسم البياني التالي، فأوجد متوسط درجات الحرارة العظمى في القاهرة ولندن.

عشان نحسب متوسط درجات الحرارة العظمى في القاهرة ولندن، هنشوف مقدار الدرجتين من الشكل، ونوجد متوسطهم الحسابي. فهنلاقي إن درجة الحرارة العظمى في القاهرة هي خمسة وعشرين درجة. ودرجة الحرارة العظمى في لندن هي عشر درجات.

وبالتالي يبقى المتوسط الحسابي للدرجتين هيساوي مجموعهم على عددهم. ومجموعهم يعني خمسة وعشرين زائد عشرة. وعددهم هو اتنين؛ لأن هم درجتين حرارة. خمسة وعشرين زائد عشرة، هيساوي خمسة وتلاتين، على اتنين … وخمسة وتلاتين على اتنين هيساوي سبعتاشر وخمسة من عشرة. يبقى المتوسط الحسابي لدرجات الحرارة العظمى في القاهرة ولندن هو سبعتاشر وخمسة من عشرة درجة.

Nagwa uses cookies to ensure you get the best experience on our website. Learn more about our Privacy Policy.